ଭୁବନେଶ୍ୱର: ପୋଲାଣ୍ଡରେ ଅନୁଷ୍ଠିତ ୧୦ତମ ବିଶ୍ୱ ବ୍ୟକ୍ତିଗତ ଜୁନିୟର ଚେସ୍ ପ୍ରତିଯୋଗିତାରେ ରୌପ୍ୟ ପଦକ ହାସଲ କରିଥିବା ଓଡ଼ିଶାର ଦୃଷ୍ଟିହୀନ ଚେସ୍ ତାରକା ସୌନ୍ଦର୍ଯ୍ୟ କୁମାର ପ୍ରଧାନଙ୍କୁ ରାଜ୍ୟର ଅଗ୍ରଣୀ ଆଇନ ଫାର୍ମ ଲେକ୍ସ ପବ୍ଲିସିଓ ପକ୍ଷରୁ ସମ୍ବର୍ଦ୍ଧନା ପ୍ରଦାନ କରାଯାଇଛି। ରବିବାର ସନ୍ଧ୍ୟାରେ କେଦାରଗୌରୀ ଆପାର୍ଟମେଣ୍ଟରେ ଆୟୋଜିତ ଉତ୍ସବରେ ରାଜ୍ୟ ବାର କାଉନସିଲ ସଦସ୍ୟ ବିଭୁ ପ୍ରସାଦ ତ୍ରିପାଠୀ, ଚେସ୍ ଖେଳାଳି ସ୍ୱୟଂଶ ସତ୍ୟପ୍ରଜ୍ଞ ପ୍ରମୁଖ ସୌନ୍ଦର୍ଯ୍ୟଙ୍କୁ ସମ୍ବର୍ଦ୍ଧିତ କରିଥିଲେ। ଆଇନଜୀବୀ ତପୋବନ ବାରିକ, ରାମଦାସ ଆଚାରୀ, ଅନୁରାଗ ପତି, ଦେବେନ ନନ୍ଦ ପ୍ରମୁଖ ଉପସ୍ଥିତ ଥିଲେ।
