ନୂଆଦିଲ୍ଲୀ: ଭାରତୀୟ ସିନେ ଜଗତରେ ସଲମାନ ଖାନଙ୍କୁ କିଏ ଅବା ନଜାଣେ। ତେବେ କିଛି ସପ୍ତାହ ମଧ୍ୟରେ ଗୁଗୁଲ ସର୍ଚ୍ଚ ଇଞ୍ଜନ ଭାରତୀୟ ସିନେ ତାରକାଙ୍କ ମଧ୍ୟରେ ସବୁଠାରୁ ଖରାପ୍ ଅଭିନେତା ଭାବରେ ସଲମାନ ଖାନଙ୍କୁ ପ୍ରଦର୍ଶିତ କରିବା ସଲ୍ଲୁ ସମର୍ଥକଙ୍କୁ ବେଶ୍ ଚକିତ କରିଛି। କେବଳ ସେତିକି କାହିଁକି ଗୁଗୁଲ ସର୍ଚ୍ଚରେ ବିଗତ କିଛି ଦିନ ପୂର୍ବେ ଦେଶର ପ୍ରଥମ ପ୍ରଧାନମନ୍ତ୍ରୀଙ୍କ ନାମ ପଣ୍ଡିତ ଜବାହର ଲାଲ ନେହେରୁ ଦର୍ଶାଉଥିଲେ ମଧ୍ୟ ଫଟୋ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆସୁଥିଲା। ଏଭଳି ଘଟଣାକୁ ନେଇ ବିବାଦ ଜୋର ଧରିବା ପରେ ଗୁଲୁଲ ପକ୍ଷରୁ ଏହାର ସଂଶୋଧନ କରାଯାଇ ଥିଲା। ତେବେ ଗତ କିଛି ଦିନ ମଧ୍ୟରେ ସଲମାନଙ୍କୁ ଭାରତର ସବୁଠାରୁ ଖରାପ ପ୍ରଦର୍ଶିତ ଅଭିନେତା ଭାବେ ସଲମାନଙ୍କ ନାମ ସାମ୍ନାକୁ ଆସିଛି।
ଏ ସମ୍ପର୍କରେ ଗୁଗୁଲ ବିଶେଷଜ୍ଞଙ୍କ ପକ୍ଷରୁ ଘଟଣାର ତର୍ଜମା କରାଯାଇଛି। ଗୁଗୁଲ ଇଣ୍ଟରନେଟରେ ଜନୈକ ବ୍ୟକ୍ତିଙ୍କ ଚରିତ୍ରକୁ ଇଣ୍ଟରନେଟରେ ଉପଲବ୍ଧ ପ୍ରବନ୍ଧ, ସାକ୍ଷାତକାର ଅର୍ଥାତ ତଥ୍ୟାବଳୀକୁ ଭିତ୍ତି କରି ପ୍ରଦର୍ଶିତ କରାଯାଇ ଥାଏ। ସମ୍ପ୍ରତ୍ତି ରେସ ୩ରେ ସଲମାନଙ୍କୁ ଜଣେ ନାକାରାତ୍ମକ ଅଭିନେତା ଭାବରେ ପ୍ରର୍ଶିତ କରିବା ପ୍ରଚ୍ଛଦରେ ଏହା ହିଁ ରହିଛି କାରଣ? ରେସ ୨ରେ ଦର୍ଶକଙ୍କ ଦ୍ୱାରା “ହ୍ୟାଚ ଟ୍ୟାଗ ୱର୍ଷ୍ଟ ଆକ୍ଟର’ ଆକ୍ଷେପ ସଲମାନଙ୍କୁ ଗୁଗୁଲ ଦେଶର ସବୁଠାରୁ ଖରାପ ଅଭିନେତା ତାଲିକାରେ ସବୁଠାରୁ ଉପରେ ରଖିଛି।
