ରସୁଣ ପରଟା। ଶୀତଦିନେ ରସୁଣ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ଅଟେ । ତେବେ ଆସନ୍ତୁ ଜାଣିବା ରସୁଣ ପରଟା କିପରି ପ୍ରସ୍ତୁତ କରାଯାଏ
ପ୍ରସ୍ତୁତି ପ୍ରଣାଳୀ : ଆପଣ ପ୍ରଥମେ ରସୁଣକୁ ଚୋପା ଛଡ଼ାଇ ଛୋଟ ଛୋଟ ଖଣ୍ଡ କରି କାଟି ଦିଅନ୍ତୁ। ଏବେ ଏଥିରେ କଞ୍ଚାଲଙ୍କା କାଟି କରି ମିଶାନ୍ତୁ। ବର୍ତ୍ତମାନ ଏଥିରେ ଲୁଣ ଏବଂ ଜୁଆଣି ଭଲ ଭାବେ ମିଶାନ୍ତୁ।
ଏବେ ଏକ ପାତ୍ରରେ ଅଟା,ଲୁଣ, ଗରମ ମସଲା, ଲଙ୍କା ଗୁଣ୍ଡ, ଗୋଲମରିଚ ଗୁଣ୍ଡ ଭଲ ଭାବେ ମିଶାଇ ପାଣି ପକାଇ ଚକଟା ପ୍ରସ୍ତୁତ କରନ୍ତୁ। ଚକଟିବା ପରେ ଛୋଟ ଛୋଟ ଗୁଳା ପ୍ରସ୍ତୁତ କରି ପୁରୀ ଆକାରର ବେଲନ୍ତୁ। ବେଲିବା ପରେ ଏଥିରେ ଅଳ୍ପ ଘିଅ ଲଗାଇ ପୂର୍ବ ପ୍ରସ୍ତୁତ ରସୁଣକୁ ପୁର ଭଳି ଭର୍ତ୍ତି କରି ଗୁଳା କରି ପରଟା ଆକୃତିର ବେଲନ୍ତୁ। ଏହାପରେ ଗ୍ୟାସ ଲଗାଇ ତାୱା ଗରମ କରି ବେଲିଥିବା ପରଟାକୁ ସେକି ଦିଅନ୍ତୁ। ପ୍ରସ୍ତୁତ ହୋଇଗଲା ରସୁଣ ପରଟା।
ଗୁଡ ପରଟା
ଆବଶ୍ୟକ ସାମଗ୍ରୀ :
ଅଟା – ୨କପ
ଲୁଣ – ସ୍ବାଦାନୁଯାୟୀ
ପାଣି – ଆବଶ୍ୟକ ଅନୁଯାୟୀ
ଘିଅ – ଆବଶ୍ୟକ ଅନୁଯାୟୀ
ବାଦାମ ଗୁଣ୍ଡ – ୧ଚାମଚ
ଗୁଜୁରାତି ଗୁଣ୍ଡ – ୧ଚାମଚ
ଗୁଡ – ୧ କପ
ଲହୁଣୀ – ଅଧ କପ
ପ୍ରସ୍ତୁତ ପ୍ରଣାଳୀ :
ପ୍ରଥମେ ଏକ ପାତ୍ରରେ ଅଟା, ଲୁଣ, ଦୁଇ ଚାମଚ ଘିଅ ପକାଇ ଭଲ ଭାବେ ମିଶାଇ କିଛି ସମୟ ରଖି ଦିଅନ୍ତୁ। ତାପରେ ସେଥିରେ ପାଣି ଦେଇ ଚକଟି ଦିଅନ୍ତୁ। ଅଟା ଚକଟି ୧୫ମିନିଟ ଘୋଡାଇ ରଖନ୍ତୁ। ପୂର ପ୍ରସ୍ତୁତ କରିବା ପାଇଁ ଗୋଟିଏ ପାତ୍ରରେ ବାଦାମ ଗୁଣ୍ଡ, ଗୁଜୁରାତି ଗୁଣ୍ଡ ଓ ଗୁଡକୁ ଭଲ ଭାବେ ମିଶାଇ ଦିଅନ୍ତୁ। ଅଟାକୁ ନେଇ ଗୁଳା କରନ୍ତୁ। ତାପରେ ବେଲି ଦିଅନ୍ତୁ। ସେଥିରେ ଗୁଡର ମିଶ୍ରଣ ଭର୍ତ୍ତି କରି ଭଲ ଭାବେ ଚାରି ପଟୁ ମୋଡି ପୁଣି ବେଲନ୍ତୁ। ଅଳ୍ପ ତେଲ ଦେଇ ଏହି ପରଟାକୁ ବେଲିବା ଉଚିତ। ଗ୍ୟାସରେ ତାୱା ବସାଇ ଗରମ କରନ୍ତୁ। ତାୱା ଗରମ ହୋଇଗଲା ପରେ ସେଥିରେ ବେଲିଥିବା ପରଟାକୁ ପକାଇ ଅଳ୍ପ ତେଲ ଦେଇ ସେକନ୍ତୁ। ଉଭୟ ପାର୍ଶ୍ବ ଭଲ ଭାବେ ସେକି ହୋଇଗଲା ପରେ ତାହାକୁ ଏକ ପାତ୍ରକୁ କାଢି ଦିଅନ୍ତୁ। ପ୍ରସ୍ତୁତ ହୋଇଗଲା ଆପଣଙ୍କ ଗୁଡ ପରଟା। ଏହାକୁ ଲହୁଣି ସହ ଖାଇ ପାରିବେ।
Comments are closed.