ଇସଲାମାବାଦ: ଭାରତର କୂଟନୈତିକ ଚାପ ଯୋଗୁ ପାକିସ୍ଥାନ ବିଶ୍ୱ ସମୁଦାୟ ଆଗରେ ଅପମାନିତ ହୋଇଥିବା ବେଳେ ସେଠାକାର ପୂର୍ବତନ ପ୍ରଧାନମନ୍ତ୍ରୀ ବେନଜୀର ଭୁଟ୍ଟୋଙ୍କୁ ଅସମ୍ମାନ ପ୍ରଦର୍ଶନ କରିବା ଘଟଣାରେ ଏବେ ବର୍ତ୍ତମାନର ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ସରକାର ଅଡୁଆରେ ପଡିଛନ୍ତି। ମାର୍ଚ୍ଚ ୯ରେ ସାରା ବିଶ୍ୱ ମହିଳାମାନଙ୍କୁ ସମ୍ମାନ ଜଣେଇବା ଉଦ୍ଦେଶ୍ୟରେ ଆନ୍ତର୍ଜାତିକ ମହିଳା ଦିବସ ପାଳନ କରିଥିବା ବେଳେ କିନ୍ତୁ ପାକିସ୍ଥାନ ସରକାର ସେଠାକାର ପୂର୍ବତନ ପ୍ରଧାନମନ୍ତ୍ରୀ ତଥା ମହିଳାମାନଙ୍କ ବିକାଶ କ୍ଷେତ୍ରରେ ଅନେକ କାର୍ଯ୍ୟ କରିଥିବା ବେନଜୀର ଭୁଟ୍ଟୋଙ୍କ ଫଟୋ ବିଜ୍ଞାପନରେ ସ୍ଥାନିତ ନ କରିବା ଚର୍ଚ୍ଚାର ବିଷୟ ପାଲଟିଛି। ମିଳିଥିବା ସୂଚନା ଅନୁଯାୟୀ, ପାକିସ୍ଥାନ ସଂସଦରେ ଏ ନେଇ ସିନେଟ ସଦସ୍ୟମାନେ ହଟଗୋଳ କରିବା ସହ ସରକାର କ୍ଷମା ମାଗନ୍ତୁ ବୋଲି ଦାବୀ କରିଥିଲେ। ତେବେ ଏ ନେଇ ତଦନ୍ତ କରାଯିବ ବୋଲି ଘୋଷଣା ହେବା ପରେ ଗୃହରେ ମହିଳା ଦିବସ ଉପରେ ଆଲୋଚନା ସମ୍ଭବ ହୋଇଥିଲା।
Popular Categories
Next article