ରେଙ୍ଗାଲିକ୍ୟାମ୍ପ : ମାନବ ସେବା ପରି ମହତ କାର୍ଯ୍ୟ ସମ୍ପାଦନ କରିବା ଉଦ୍ଦେଶ୍ୟ ନେଇ ଗଢ଼ିଉଠିଥିବା ଅତାବିରା ଲାୟନ୍ସ କ୍ଳବ୍ ସେବା କ୍ଷେତ୍ରରେ ଦିନକୁ ଦିନ ଆଗେଇ ଚାଲିଛି। ସ୍ୱାଧୀନତାର ଅମୃତ ମହୋତ୍ସବ ପାଳନ ଅବସରରେ ବୁଗୁବୁଗା ପଞ୍ଚାୟତ ଗରିଆଟିକ୍ରା ଉଚ୍ଚ ପ୍ରାଥମିକ ବିଦ୍ୟାଳୟର ଦିବ୍ୟାଙ୍ଗ ଛାତ୍ର ଅମରଦୀପକୁ ଏକ ହୁଇଲ ଚେୟାର ପ୍ରଦାନ କରାଯାଇଛି। ସରକାରୀ ସହାୟତାରୁ ବଞ୍ଚିତ ଅମର ପାଇଁ ସହାୟତାର ହାତ ବଢ଼ାଇଛି ଲାୟନସ୍ କ୍ଲବ । ଏହା ବ୍ୟତୀତ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ମାନଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା। ଏହି କାର୍ଯ୍ୟକ୍ରମରେ କ୍ଳବର ସଭାପତି ବଳରାମ ପ୍ରଧାନ, ସମ୍ପାଦକ ବିନୟ କୁମାର ଦାଶ, କୋଷାଧ୍ୟକ୍ଷ ସୋମନାଥ ପଟ୍ଟନାୟକ ଓ ସଦସ୍ୟ ଧୀରେନ୍ଦ୍ର ରଥ, ବି. ଗୋବିନ୍ଦ ସାହୁ, ଶିବ ଶଙ୍କର ତ୍ରିପାଠୀ, ଶରତ ଭୋଇ, ନରେଶ ପ୍ରଧାନ, ଜୟ କ୍ରିଷ୍ଣା ଛୁରିଆ, ବିଦ୍ୟାଳୟର ପ୍ରଧାନ ଶିକ୍ଷକ ସନ୍ତୋଷ କର ତଥା ବିଦ୍ୟାଳୟ ପରିଚାଳନା କମିଟିର ସଦସ୍ୟ ମାନେ ଉପସ୍ଥିତ ଥିଲେ।
Comments are closed.