ଅକ୍ଷୟ କୁମାରଙ୍କ ’ଲକ୍ଷ୍ମୀ ବମ୍’ ଟ୍ରେଲର ରିଲିଜ; ନଭେମ୍ବର ୯ରେ ରିଲିଜ୍ ହେବ ଏହି ହରର-କମେଡ଼ି ଫିଲ୍ମ

ଅକ୍ଷୟ କୁମାର ଏବଂ କିଆରା ଆଡଭାନୀଙ୍କ ହରର କମେଡ଼ି ଫିଲ୍ମ ଲକ୍ଷ୍ମୀ ବମ୍  ଟ୍ରେଲର ରିଲିଜ ହୋଇଛି। ଏଥିରେ  ଅକ୍ଷୟ କୁମାର ପ୍ରଥମ ଥର ପାଇଁ ଏକ କିନ୍ନର ଭୂମିକାରେ ଅଭିନୟ କରିଛନ୍ତି । ଆସନ୍ତା ନଭେମ୍ବର ୯ ତାରିଖରେ ଓଟିଟି ପ୍ଲାଟଫର୍ମରେ ଏହି ଫିଲ୍ମ ରିଲିଜ ହେବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ରାଘବ ଲରେନ୍ସ। ଏହା ତାମିଲ ବ୍ଲକବଷ୍ଟର ’ମୁନି ୨- କାଞ୍ଚନା’ର  ରିମେକ୍ |

Jahan kahi bhi hain, wahi ruk jaayyein aur taiyyaar ho jaayyein dekhne #LaxmmiBomb ka trailer, kyunki barasne aa rahi hai Laxmmi! #LaxmmiBombTrailer out now. #YeDiwaliLaxmmiBombWali! ?

#FoxStarStudios #DisneyPlusHotstarMultiplex @advani_kiara @offl_Lawrence pic.twitter.com/oJM6YljkBX

— Akshay Kumar (@akshaykumar) October 9, 2020

ଅକ୍ଷୟ ପୂର୍ବରୁ ଆକ୍ସନ୍, ଡ୍ରାମା, ଇମୋସନ୍ଠାରୁ ଆରମ୍ଭ କରି କମେଡି ପର୍ଯ୍ୟନ୍ତ ଚଳଚ୍ଚିତ୍ର କରିଛନ୍ତି, କିନ୍ତୁ ଏଥର ସେ ଏକ ଭିନ୍ନ ଚରିତ୍ରରେ ଅବତୀର୍ଣ୍ଣ ହୋଇଛନ୍ତି । ଅକ୍ଷୟ ନିଜ ଟ୍ବିଟର ଆକାଉଣ୍ଟରେ ଏହାର ଦୁଇଟି ଭିଡ଼ିଓ ପୋଷ୍ଟ କରିଛନ୍ତି । ଏଥିରେ ଅକ୍ଷୟଙ୍କ ସହ କିଆରା ଆଡ଼ଭାନୀ ମୁଖ୍ୟ ଚରିତ୍ରରେ ଅଛନ୍ତି । କିଆରାଙ୍କ ସହ ଅକ୍ଷୟଙ୍କର ଏହା ଦ୍ବିତୀୟ ଫିଲ୍ମ । ପୂର୍ବରୁ ଉଭୟ ଗୁଡ଼୍ ନ୍ୟୁଜ​‌ରେ ଅଭିନୟ କରିଥିଲେ ।

Waiting for the #LaxmmiBombTrailer just like @advani_kiara and me? Hang in there…just 3 hours to go. Trailer drops at 12.30 pm today! #YeDiwaliLaxmmiBombWali!?#FoxStarStudios #DisneyPlusHotstarMultiplex@offl_Lawrence @Shabinaa_Ent @TusshKapoor @foxstarhindi #CapeOfGoodFilms pic.twitter.com/HU3Gzu1TlA

— Akshay Kumar (@akshaykumar) October 9, 2020

ଲକ୍ଷ୍ମୀ ବମ୍ ର କାହାଣୀ ଅନୁଯାୟୀ ଅକ୍ଷୟଙ୍କ ଦେହରେ ଜଣେ କିନ୍ନରର ଆତ୍ମା ପ୍ରବେଶ କରିଛି ଓ ତା ପ୍ରତି ହୋଇଥିବା ଅତ୍ୟାଚାରର ପ୍ରତିଶୋଧ ନେଉଛି । ଅକ୍ଷୟ ଶୁକ୍ରବାର ସକାଳେ ଟ୍ୱିଟ୍ ଚଳଚିତ୍ରର ଏକ ଗୀତ ପୋଷ୍ଟ କରିଛନ୍ତି । ୨୦୨୦​‌ରେ ଲକ୍ଷ୍ମୀ ବମ୍ ଅକ୍ଷୟଙ୍କର ମୁକ୍ତିଲାଭ କରୁଥିବା ପ୍ରଥମ ଫିଲ୍ମ । କରୋନା ସଂକ୍ରମଣ ଜନିତ ଥିଏଟର ବନ୍ଦ ଯୋଗୁଁ ଚଳିତ ବର୍ଷ କୌଣସି ଫିଲ୍ମ ରିଲିଜ୍ ହୋଇ ପାରିନାହିଁ । ତେବେ ଭାରତରେ ଏହା ଓଟିଟି ପ୍ଲାଟଫର୍ମରେ ରିଲିଜ ହେଉଥିଲେ ହେଁ ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ୟୁଏଇର ଦର୍ଶକମାନେ ଏହାକୁ ବଡ଼ ପରଦାରେ ଦେଖିପାରିବେ ।