ପୁଣେ : ବିରାଟ କୋହଲି ବାଂଲାଦେଶ ବିପକ୍ଷ ଦିନିକିଆ ବିଶ୍ବକପ-୨୦୨୩ରେ ଆକର୍ଷଣୀୟ ଶତକ ହାସଲ କରିଛନ୍ତି। ବିରାଟ ୯୭ଟି ବଲରୁ ୬ଟି ଚୌକା ଓ ୪ଟି ଛକା ସହ ଅପରାଜିତ ୧୦୩ରନ କରିଥିଲେ । ଦିନିକିଆରେ ବିରାଟଙ୍କ ଏହା ୪୮ତମ ଶତକ। କ୍ରିକେଟ କିମ୍ବଦନ୍ତୀ ସଚିନ ତେନ୍ଦୁଲକର ୪୯ଟି ଶତକ ହାସଲ କରିଛନ୍ତି । ବିରାଟ ଆଉ ଗୋଟିଏ ଶତକ ହାସଲ କରିପାରିଲେ ସଚିନଙ୍କ ସହ ସମକକ୍ଷ ହୋଇପାରିବେ। ବିରାଟ ୨୮୫ଟି ମ୍ୟାଚରୁ ୫୮ ଆଭରେଜ୍ରେ ୪୮ଟି ଶତକ ଓ ୬୮ ଅର୍ଦ୍ଧଶତକ ସହ ୧୩୩୪୨ ରନ୍ କରିଛନ୍ତି। ୧୮୩ ସର୍ବାଧିକ ସ୍କୋର ରହିଛି। ବିରାଟଙ୍କୁ ବାଂଲାଦେଶ ବିପକ୍ଷ ମ୍ୟାଚରେ ଶତକ କରିବା ନେଇ ସାଥି ଖେଳାଳି ଲୋକେଶ ରାହୁଲ ପୂର୍ଣ୍ଣ ସହଯୋଗ କରିଥିଲେ। ରାହୁଲ ରନ୍ ନକରି ବିରାଟଙ୍କୁ ଷ୍ଟ୍ରାଇକ୍ ଦେଇଥିଲେ । ଶେଷରେ ବିରାଟ ଛକା ମାରି ଶତକ ହାସଲ କରିଥିଲେ।
Comments are closed.