ବ୍ରିଜ୍ଟାଉନ୍ : ଭାରତ ଟ୍ବେଣ୍ଟି୨୦ ବିଶ୍ବକପ୍ ଚମ୍ପିଆନ୍ ହୋଇଛି। ଶନିବାର ଏକ ରୋମାଞ୍ଚକର ଫାଇନାଲରେ ଦକ୍ଷିଣ ଆଫ୍ରିକାକୁ ମାତ୍ର ୭ ରନ୍ରେ ଭାରତ ପରାସ୍ତ କରିଛି। ଏହାରି ମଧ୍ୟରେ ପ୍ରଶଂସକଙ୍କୁ ଏକ ବଡ ଝଟକା ଲାଗିଛି। ଟି-୨୦ ଫର୍ମାଟରୁ ଅବସର ଘୋଷଣା କରିଛନ୍ତି ବିରାଟ କୋହଲି ଏବଂ ରୋହିତ୍ ଶର୍ମା। ଭାରତ ଟି-୨୦ ବିଶ୍ଵକପ୍ ଚାମ୍ପିୟନ ହେବା ପରେ ଉଭୟ ବଡ ଘୋଷଣା କରିଛନ୍ତି। ଯାହା ତାଙ୍କର କୋଟି କୋଟି ପ୍ରଶଂସକ ମାନଙ୍କୁ ଶକ୍ତ ଝଟକା ଦେଇଛି। ନିଜର ଶେଷ ଟ୍ବେଣ୍ଟି-୨୦ ମ୍ୟାଚ୍ରେ ଭାରତକୁ ଚାମ୍ପିୟନ କରାଇବାରେ ଗୁରୁତ୍ଵପୂର୍ଣ୍ଣ ଭୂମିକା ତୁଲାଇଥିଲେ କୋହଲି। ଏତିସହିତ ମ୍ୟାଚ୍ ବିଜୟ ପଛରେ ରଣନୀତି ରେ ରୋହିତ୍ ଶର୍ମାଙ୍କ ଅବଦାନ ସବୁଦିନ ପାଇଁ ମନେରହିବ । ବିରାଟ କହିଛନ୍ତି ଯେ ଏହି ବିଶ୍ଵକପ୍ ମୋର ଶେଷ ଟି-୨୦ ବିଶ୍ଵକପ୍ । ଏବେ ସମୟ ଆସିଛି ନୂଆ ପିଢିକୁ ଆଗକୁ ଯିବାର। ୨୦୧୦ରେ ଜିମ୍ବାଓ୍ବେ ବିପକ୍ଷରେ ଟି-୨୦ ଡେବ୍ୟୁ କରିଥିଲେ ବିରାଟ। ଶେଷ ମ୍ୟାଚ୍ ଦକ୍ଷିଣ ଆଫ୍ରିକା ବିପକ୍ଷରେ ଟ୍ବେଣ୍ଟି-୨୦ ବିଶ୍ଵକପ୍ ଚାମ୍ପିୟନ୍ ହେବା ପରେ ଅବସର ଘୋଷଣା କରିଛନ୍ତି।
Comments are closed.