ନୂଆଦିଲ୍ଲୀ: ଅନଲାଇନ୍ ସପିଂ ପ୍ରତି ଆକୃଷ୍ଠ ହେଉଛନ୍ତି ଯୁବପିଢ଼ି । ଅନେକ ଲୋକ ବିଭିନ୍ନ ଜିନିଷ ଅନଲାଇନରେ ଅର୍ଡର କରୁଥିବା ଦେଖିବାକୁ ମିଳୁଛି । ପ୍ରାୟ ସମୟରେ ଅନଲାଇନରେ ସପିଂ ଯୋଗୁଁ ଲୋକାମାନେ ଠକାମୀର ଶିକାର ମଧ୍ୟ ହେଉଛନ୍ତି । ବର୍ତ୍ତମାନ ସେହିପରି ଏକ ଘଟଣା ପୁଣି ସାମ୍ନାକୁ ଆସିଛି ।
ଜଣେ ବ୍ୟକ୍ତି ମେଶୋରେ ଡ୍ରୋନ୍ ଅର୍ଡର କରିଥିବା ବେଳେ, ତାଙ୍କୁ ମିଳିଛି ଆଳୁ । ସୂଚନା ମୁତାବକ, ବିହାରର ଜଣେ ବ୍ୟକ୍ତି ମେଶୋ ଆପରେ ଡ୍ରୋନ୍ ଅର୍ଡର କରିଥିଲେ । ଅର୍ଡର ଅନୁଯାୟୀ, ଡେଲିଭରି ବୟ ଜଣକ ନିର୍ଦ୍ଦିଷ୍ଟ ତାରିଖ ଦିନ ଗ୍ରାହକଙ୍କ ନିକଟକୁ ପ୍ୟାକେଟ୍ ଆଣିଥିଲେ । କିନ୍ତୁ ଯେତେବେଳେ ଏହି ପ୍ୟାକେଟ୍ ଖୋଲାହେଲା, ଡ୍ରୋନ୍ ବଦଳରେ ପାଖାପାଖି ଏକ କିଲୋ ଆଳୁ ବାହାରିଲା ।
ଯାହାକୁ ବ୍ୟକ୍ତି ଜଣକ ପ୍ୟାକ୍ କରିବା ସହିତ ଭିଡିଓ ପ୍ରସ୍ତୁତ କରି ସୋସିଆଲ ମିଡିଆରେ ପୋଷ୍ଟ କରିଥିଲେ । ଭିଡିଓଟି ପୋଷ୍ଟ କରିବା ପରେ ବର୍ତ୍ତମାନ ତାହା ଭାଇରାଲ ହେବାର ଲାଗିଛି । ଘଟଣାଟି ଗତ ୨୫ ତାରିଖର ହୋଇଥିବା ଜଣାପଡ଼ିଛି । ହେଲେ ଏନେଇ ଥାନାରେ କୌଣସି ଅଭିଯୋଗ ହୋଇନାହିଁ।
Comments are closed.