ଆଠଗଡ : ଆଠଗଡ ମୁଖ୍ୟ ଡାକଘରେ ସୋମବାର ଦୁର୍ନୀତି ନିବାରଣ ସପ୍ତାହ ଅବସରରେ ସଚେତନତା ସଭା ଓ ଛାତ୍ରଛାତ୍ରୀଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ଆୟୋଜିତ ସଭାରେ ଡାକପାଳ ଦୁର୍ଗାପ୍ରସାଦ ପଣ୍ଡା ଓ ମଣ୍ଡଳ ଅଧିକ୍ଷକ ଗଜେନ୍ଦ୍ର ପ୍ରସାଦ କର ଅତିଥି ଭାବେ ଯୋଗଦେଇ ଦୁର୍ନୀତି ଓ ଭ୍ରଷ୍ଟାଚାରର ମୂଳୋତ୍ପାଟନ ହେଲେ ଯାଇ ଦେଶର ପ୍ରକୃତ ବିକାଶ ହୋଇପାରିବ ଏବଂ ଦେଶର ଗରିବ ଶ୍ରେଣୀର ଲୋକ ଉପକୃତ ହୋଇପାରିବେ ବୋଲି ମତବ୍ୟକ୍ତ କରିଥିଲେ । ଏହି ଅବସରରେ ଦୁର୍ନୀତିକୁ ପ୍ରଶୟ ନଦେବା ବା ସହଯୋଗ ନକରିବା ଲାଗି ସମସ୍ତ ଡାକ କର୍ମଚାରୀ ଶପଥ ପାଠ କରିଥିଲେ । ଏହି ଅବସରରେ ସ୍କୁଲ କଲେଜ ଛାତ୍ରଛାତ୍ରୀଙ୍କ ମଧ୍ୟରେ ସାଧାରଣ ଜ୍ଞାନ ଓ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହେବା ସହ କୃତି ପ୍ରତିଯୋଗୀଙ୍କୁ ଅତିଥି ଦ୍ୱୟ ପୁରସ୍କୃତ କରିଥିଲେ । ସହାୟକ ଡାକପାଳ ମନୋରଞ୍ଜନ ସ୍ୱାଇଁ କାର୍ଯ୍ୟକ୍ରମ ସଂଯୋଜନା କରିଥିବାବେଳେ ଉପଡାକପାଳ ଜୟନ୍ତ ସାମନ୍ତରାୟ ଧନ୍ୟବାଦ ଅର୍ପଣ କରିଥିଲେ। ଏହି ଅବସରରେ ପ୍ରଧାନ ଡାକଘର ପରିସରକୁ ସମସ୍ତ ଡାକକର୍ମଚାରୀ ମିଳିତ ଭାବେ ଶ୍ରମଦାନ କରି ସଫେଇ କରିଥିଲେ।
Popular Categories
Previous article
Next article