ଆପଣ ଭ୍ରମଣ ପାଇଁ ଇଚ୍ଛୁକ କି ? ଯାଆନ୍ତୁ ଏହି ସ୍ଥାନ

ଦକ୍ଷିଣଭାରତର ପ୍ରମୁଖ ହିଲ ଷ୍ଟେସନ ହେଉଛି ଉଟି। ଏହି ସହର ତାମିଲନାଡ଼ୁର ନୀଳଗିରିର ଏକ ଭାଗ ଅଟେ। ଉଟି ସହରର ଚାରିପାଖରେ ଥିବା ନୀଳଗିରି ପାହାଡ଼ମାନଙ୍କ କାରଣରୁ ଏହାର ସୁନ୍ଦରତା ଦୁଇ ଗୁଣିତ ହୋଇଯାଏ। ଏହି ପର୍ବତ ଗୁଡ଼ିକୁ ନୀଳ ପାହାଡ଼ ମଧ୍ୟ ବୋଲି ମଧ୍ୟ କୁହାଯାଏ।

ଉଟିର ଟ୍ରାଭେଲ ଟ୍ରେନ : 
ଉଟିକୁ ଆସୁଥିବା ଲୋକେ ଟଏ ଟ୍ରେନରେ ନିଶ୍ଚିତ ବୁଲନ୍ତୁ। ସାଧାରଣ ଟ୍ରେନରେ ବୁଲିବା ଠାରୁ ଏହି ଟ୍ରେନରେ ବୁଲିବା ଭିନ୍ନ ଅଟେ। ଏହି ଟ୍ରେନରେ ଯିବା ସମୟରେ ଉଟିର ବହୁ ସୁନ୍ଦର ସୁନ୍ଦର ସ୍ଥାନକୁ ମଧ୍ୟ ନିକଟରୁ ଦେଖିପାରିବେ।

ଏଭାଲେଞ୍ଚ ହ୍ରଦ
ଉଟି ଠାରୁ ୨୮ କିଲୋମିଟର ଦୂରରେ ଥିବା ଏଭାଲେଞ୍ଚ ହ୍ରଦ ଏଠାକାର ଏକ ବିଶେଷ ଭ୍ରମଣ ଯୋଗ୍ୟ ସ୍ଥାନ ଅଟେ। ହ୍ରଦର ଚାରିପାଖରେ ଥିବା ସବୁଜଶ୍ୟାମଳା ଭରା ପରିବେଶ ଖୁବ ସୁନ୍ଦର ଦେଖାଯାଏ। ହ୍ରଦର ନିକଟରେ ଜଙ୍ଗଲ ମଧ୍ୟ ରହିଛି। ଏଠାକୁ ବହୁ ଲୋକେ ପିକନିକ କରିବାକୁ ମଧ୍ୟ ଆସନ୍ତି।

ଉଟି ବଟନିକାଲ ଗାର୍ଡ଼େନ
ଉଟିର ବଟନିକାଲ ଗାର୍ଡ଼େନ ମଧ୍ୟ ଭ୍ରମଣ ପାଇଁ ଏକ ସୌନ୍ଦର୍ଯ୍ୟମୟ ସ୍ଥାନ ଅଟେ। ଏହି ବଗିଚାରେ ବିଭିନ୍ନ ପ୍ରକାରର ସୁନ୍ଦର ପୁଷ୍ପ ଦେଖିବାକୁ ମିଳିଥାଏ। ଭିନ୍ନ ଭିନ୍ନ ପ୍ରକାରର ବୃକ୍ଷଲତା ମଧ୍ୟ ଏଠାରେ ରହିଛି।

ୱାକ୍ସ ୱାର୍ଲ୍ଡ ମ୍ୟୁଜିୟମ
ସହର ଠାରୁ ୨ କିଲୋମିଟର ଦୂରରେ ଥିବା ଏହି ସ୍ଥାନକୁ ଯିବା ମଧ୍ୟ ଉଚିତ। କାରଣ ଏଠାରେ ମହାତ୍ମା ଗାନ୍ଧୀ,ବାଲ ଗଙ୍ଗାଧର ତିଳକ, ମଦର ଟେରେସା, ଗୋପାଳ କୃଷ୍ଣ ଗୋଖଲେ, ଏପିଜେ ଅବଦୁଲ କାଲାମ ବହୁ ମହାନ ଲୋକଙ୍କର ଷ୍ଟାଚୁ ଏଠାରେ ରହିଛି।
ଭ୍ରମଣ ପାଇଁ ଏହିପରିି ଆଉ ମଧ୍ୟ ବହୁ ସ୍ଥାନ ଉଟିରେ ରହିଛି।