ରାହୁଲଙ୍କୁ ବିଶ୍ୱବିଦ୍ୟାଳୟ ମନା, ରାଜନୈତିକ ଅସୂୟା ଭାବ କହିଲା କଂଗ୍ରେସ
![](https://samajalive.in/wp-content/uploads/2024/01/Rahul-Gandhi-750x430.jpg)
ଡେସ୍କ: କଂଗ୍ରେସ ନେତା ରାହୁଲ ଗାନ୍ଧୀ ଅଭିଯୋଗ କରିଛନ୍ତି ଯେ ମେଘାଳୟର ଏକ ଘରୋଇ ବିଶ୍ୱବିଦ୍ୟାଳୟର ଛାତ୍ରଛାତ୍ରୀଙ୍କ ସହ ହେବାକୁ ଥିବା ଆଲୋଚନାକୁ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ବନ୍ଦ କରିଦେଇଛନ୍ତି। ଭାରତ ଯୋଡୋ ନ୍ୟାୟ ଯାତ୍ରାରେ ଶ୍ରୀ ଗାନ୍ଧୀ ସେହି ବିଶ୍ୱବିଦ୍ୟାଳୟର ଛାତ୍ରଛାତ୍ରୀଙ୍କ ସହ ଆଲୋଚନା କରିବାର ଥିଲା।
କେନ୍ଦ୍ର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଏ ନେଇ ଆସାମ ମୁଖ୍ୟମନ୍ତ୍ରୀଙ୍କୁ ନିର୍ଦ୍ଦେଶ ଦେବା ପରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସମ୍ପୃକ୍ତ ବିଶ୍ୱବିଦ୍ୟାଳୟକୁ ଏହି କାର୍ଯ୍ୟକ୍ରମ ବନ୍ଦ ରଖିବା ଲାଗି ନିର୍ଦ୍ଦେଶ ଦିଆଯାଇଥିବା ଶ୍ରୀ ଗାନ୍ଧୀ ଅଭିଯୋଗ କରିଛନ୍ତି। ଆସାମ-ମେଘାଳୟ ସୀମାରେ ଆଜି ଛାତ୍ରଛାତ୍ରୀମାନଙ୍କୁ ସେ ଏହା କହିଛନ୍ତି। ପୂର୍ବରୁ ୟୁନିଭର୍ସିଟି ଅଫ ସାଇନ୍ସ ଆଣ୍ଡ ଟେକ୍ନୋଲୋଜି ମେଘାଳୟରେ ଛାତ୍ରଛାତ୍ରୀ, ସାଧାରଣ ନାଗରିକ ଓ ଦଳୀୟ ନେତାଙ୍କ ସହ ଆଲୋଚନା ପାଇଁ ସ୍ଥିର ହୋଇଥିଲେ ମଧ୍ୟ ପରବର୍ତ୍ତୀ ମୁହୂର୍ତ୍ତରେ ବିଶ୍ୱବିଦ୍ୟାଳୟ ଅନୁମତି ପ୍ରତ୍ୟାହାର କରିବାରୁ ଏକ ହୋଟେଲରେ ଏହି କାର୍ଯ୍ୟକ୍ରମ କରାଯାଇଥିଲା।
ଏ ନେଇ ରାହୁଲ ଗାନ୍ଧୀ ଛାତ୍ରଛାତ୍ରୀମାନଙ୍କୁ କହିଛନ୍ତି ଯେ ସେମାନେ ଯାହାକୁ ଚାହିଁବେ ଶୁଣି ପାରିବେ ତେଣୁ ସେମାନଙ୍କୁ ସେମାନଙ୍କ ଇଛା ମୁତାବକ ବଂଚିବାକୁ ଦିଆଯାଉ। ଶ୍ରୀ ଗାନ୍ଧୀ କହିଛନ୍ତି, ସେମାନେ ତୁମ୍ଭମାନଙ୍କୁ କ୍ରୀତଦାସ କରିଦେବାକୁ ଚାହୁଁଛନ୍ତି କିନ୍ତୁ ଦୁନିଆର କୌଣସି ଶକ୍ତି ତାହା କରିପାରିବ ନାହିଁ।
Comments are closed.