ମୁମ୍ବଇ : ମହାରାଷ୍ଟ୍ରରେ ଚଳିତବର୍ଷ ବିଧାନସଭା ନିର୍ବାଚନ ହେବାକୁ ଯାଉଥିବାବେଳେ ଏକନାଥ ସିନ୍ଦେଙ୍କ ନେତୃତ୍ବ ରାଜ୍ୟର ମହାୟୁତି ସରକାର ବୁଧବାର ଯୁବକମାନଙ୍କ ପାଇଁ ‘ଲାଡଲା ଭାଇ ଯୋଜନା’ ଘୋଷଣା କରିଛନ୍ତି। ଏହି ଯୋଜନାରେ ରାଜ୍ୟର ଶିକ୍ଷିତ ବେକାର ଯୁବକଙ୍କୁ ମାସିକ ୬ହଜାରରୁ ୧୦ହଜାର ଟଙ୍କା ପର୍ଯ୍ୟନ୍ତ ଭତ୍ତା ମିଳିବ। ଯୋଜନା ଅନୁଯାୟୀ ଯେଉଁ ଯୁବକମାନେ ଦ୍ବାଦଶ ଶ୍ରେଣୀ ପାସ୍ କରି କୌଣସି କର୍ମ ନିଯୁକ୍ତି ପାଇ ନଥିବେ ସେମାନଙ୍କୁ ମାସିକ ୬ହଜାର ଟଙ୍କା ଭତ୍ତା ଦିଆଯିବ। ସେହିପରି ଡିପ୍ଲୋମା ପାସ୍ କରିଥିବା ଯୁବକଙ୍କୁ ୮ହଜାର ଓ ସ୍ନାତକ ଡିଗ୍ରୀ ହାସଲ କରିଥିବା ଯୁବକଙ୍କୁ ୧୦ହଜାର ଟଙ୍କା ଲେଖାଏଁ ମାସିକ ପ୍ରଦାନ କରାଯିବ। ପୂର୍ବରୁ ରାଜ୍ୟ ସରକାର ଭଉଣୀମାନଙ୍କ ଲାଗି ମୁଖ୍ୟମନ୍ତ୍ରୀ ମଝି ଲଡକି ବହନ ଯୋଜନା କାର୍ଯ୍ୟକାରୀ କରିଛନ୍ତି। ଏହି ଯୋଜନାରେ ୨୧ରୁ ୬୦ବର୍ଷର ମହିଳାମାନଙ୍କୁ ମାସିକ ୧୫୦୦ ଟଙ୍କା ଲେଖାଏଁ ଭତ୍ତା ପ୍ରଦାନ କରାଯାଉଛି।
Popular Categories
Previous article
Next article