ନୂଆଦିଲ୍ଲୀ : ଭାରତର ଇଲେକ୍ଟ୍ରିକ୍ ମୋଟରସାଇକେଲ କ୍ରାନ୍ତିକୁ ନୂଆ ଦିଗ ଦେଇଥିବା ଅଲ୍ଟ୍ରାଭାଓଲେଟ୍ ନିଜ ସୁପରଫାଷ୍ଟ ଇଲେକ୍ଟ୍ରିକ୍ ବାଇକ୍ ଏଫ୍୭୭ ପାଇଁ ଏକ ଦମଦାର ଅପଡେଟ୍ ନେଇଆସିଛି । କମ୍ପାନୀ ଜେନ୍ ୩ ପାଓ୍ବରଟ୍ରେନ୍ ଫର୍ମଓ୍ବେୟର ଏବଂ ଏକ ନୂଆ ଦମଦାର ‘ବାଲିଷ୍ଟିକ୍ ପ୍ଲସ୍’ ମୋଡ୍ ଲଞ୍ଚ୍ କରିଛି ।
ବାଲିଷ୍ଟିକ୍ ପ୍ଲସ୍ ମୋଡ୍ ଏବେ ଏଫ୍୭୭କୁ ଅଧିକ ଶାର୍ପ, କ୍ବିକ୍ ଓ ପାଓ୍ବରଫୁଲ୍ କରିଛି । ଅଲ୍ଟ୍ରାଭାଓଲେଟର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ତଥା ସହ ପ୍ରତିଷ୍ଠାତା ସୁବ୍ରମଣ୍ୟମଙ୍କ କହିବାନୁସାରେ ଅନ୍ୟ କମ୍ପାନୀମାନଙ୍କ ତୁଳନାରେ ଅଲ୍ଟ୍ରାଭାଓଲେଟ୍ ପ୍ରଯୁକ୍ତିବିଦ୍ୟାକୁ ଅଧିକ ଆଦରି ନେଇଛି ଏବଂ ସ୍ମାର୍ଟ ହେବାକୁ ଚେଷ୍ଟା ଜାରି ରଖିଛି ।
ଏଫ୍ ୭୭୭ ମ୍ୟାକ୍ ୨ ଭର୍ସନରେ ପୂର୍ବରୁ ଟ୍ରାକ୍ସନ କଣ୍ଟ୍ରୋଲ, ଡାଇନାମିକ୍ ଷ୍ଟାବିଲିଟି କଣ୍ଟ୍ରୋଲ, ୧୦ ଲେବଲର ରିଜେନେରେଟିଭ୍ ବ୍ରେକିଂ, ହିଲ୍ ହୋଲ୍ଡ ଆସିଷ୍ଟ ମିଳିସାରିଥିଲା । ଏବେ ନୂଆ ଅପଡେଟ୍ ପରେ ବାଇକ୍ କେବଳ ଏକ ରାଇଡିଂ ମେସିନ୍ ନୁହେଁ ବରଂ ଗ୍ରାହକଙ୍କ ସ୍ମାର୍ଟ ଇଲେକ୍ଟ୍ରିକ୍ ପାର୍ଟନର ପାଲଟିଯାଇଛି ।
