ନୂଆଦିଲ୍ଲୀ : ସିମେଣ୍ଟ ଉତ୍ପାଦନକାରୀଙ୍କ ମଧ୍ୟରେ ସବୁଠାରୁ ବଡ କମ୍ପାନୀ ଅଲ୍ଟ୍ରାଟେକ୍ ସିମେଣ୍ଟ ଲଗାତର ନିଜ ବ୍ୟବସାୟକୁ ବଢାଉଛି । ଏହି ତାଲିକାରେ ଅଲ୍ଟ୍ରାଟେକ୍ ସିମେଣ୍ଟ ବଡ ଡିଲ୍ ଘୋଷଣା କରିଛି । ଅଲ୍ଟ୍ରାଟେକ୍ ସିମେଣ୍ଟ ଏବେ ଇଣ୍ଡିଆ ସିମେଣ୍ଟ୍ସରେ ବଡ ଭାଗିଦାରୀ କିଣିବାକୁ ଯାଉଛି ।
ଅଲ୍ଟ୍ରାଟେକ୍ ସିମେଣ୍ଟ ଲିମିଟେଡ୍ କହିଛି କି ଦ ଇଣ୍ଡିଆ ସିମେଣ୍ଟ୍ସ ଲିମିଟେଡରେ ୭.୦୬ କୋଟି ଇକ୍ବିଟି ଅଂଶଧନକୁ ୨୬୭ ଟଙ୍କା ପ୍ରତି ସେୟାର ଦାମରେ କ୍ରୟ ପାଇଁ ଡିଲ୍ ହୋଇଛି । ଏହାର ଅର୍ଥ ଅଲ୍ଟ୍ରାଟେକ୍ ସିମେଣ୍ଟ ଲିମିଟେଡ ଇଣ୍ଡିଆ ସିମେଣ୍ଟ ଲିମିଟେଡରେ ୨୩ ପ୍ରତିଶତ ଭାଗିଦାରୀ କିଣିବ । ୨୭ ଜୁନ ୨୦୨୪ରେ ଆୟୋଜିତ ବୈଠକ ସମୟରେ ଅଲ୍ଟ୍ରାଟେକର ବୋର୍ଡ ବୈଠକରେ ଏହି ଡିଲର ମଞ୍ଜୁରି ଦିଆଯାଇଛି । ମାର୍ଚ୍ଚରେ ସମାପ୍ତ ତ୍ରୈମାସିକ ପର୍ଯ୍ୟନ୍ତ ରାଧାକିଶନ ଶିବକିଶନ ଦମାନୀ ଏବଂ ଗୋପୀକିଶନ ରିଭକିଶନ ଦମାନୀଙ୍କ ପାଖରେ ଇଣ୍ଡିଆ ସିମେଣ୍ଟ୍ସରେ ୨୦.୭୮ ପ୍ରତିଶତ ଭାଗିଦାରୀ ଥିଲା ।
ଏହି ଡିଲ୍ ଘୋଷଣା ପରେ ଅଲ୍ଟ୍ରାଟେକ୍ ସିମେଣ୍ଟର ସେୟାରରେ ଦମଦାର ଗତି ଦେଖିବାକୁ ମିଳିଛି । ପ୍ରାରମ୍ଭିକ କାରବାରରେ ଏହି ଷ୍ଟକ୍ ୬ ପ୍ରତିଶତରୁ ଅଧିକ ବୃଦ୍ଧି ପାଇ ୫୨ ତମ ସପ୍ତାହର ସର୍ବାଧିକ ୧୧,୮୭୪.୯୫ ଟଙ୍କା ପ୍ରତି ସେୟାରରେ ପହଞ୍ଚିଯାଇଥିଲା । ତେବେ କାରବାର ଶେଷରେ ଅଂଶଧନ ୫.୪୫ ପ୍ରତିଶତ ବୃଦ୍ଧି ପାଇ ୧୧,୭୪୯.୮୫ ଟଙ୍କାରେ ବନ୍ଦ ହୋଇଛି । କମ୍ପାନୀର ସେୟାର ମାସକରେ ୧୨ ପ୍ରତିଶତ ରିଟର୍ଣ୍ଣ ଦେଇଛି ।
Comments are closed.