ନୂଆଦିଲ୍ଲୀ: ଟ୍ବିଟର ଅଧିଗ୍ରହଣ ଡିଲକୁ ସାମୟିକ ଭାବେ ଏଲନ ମସ୍କ ସ୍ଥଗିତ ରଖିଛନ୍ତି। ଇଲେକ୍ଟ୍ରି କାର ଟେସଲା କମ୍ପାନୀ ମୁଖ୍ୟ ତଥା ଆରବପତି ଏଲନ ମସ୍କ। ଅଧିକ ହିସାବ ନିକାଶ ପାଇଁ ଡିଲକୁ ସ୍ଥଗିତ ରଖିବା ନେଇ ଘୋଷଣା କରିଛନ୍ତି। ଫେକ ଆକାଉଣ୍ଟ/ସ୍କାମ ସମ୍ପର୍କରେ ହିସାବନିକାଶ ପାଇଁ ଡିଲ ସ୍ଥଗିତ ରଖାଯାଇଛି। ଡିଲ ସ୍ଥଗିତ ନେଇ ନିଜ ଟ୍ବିଟର ହ୍ୟାଣ୍ଡେଲରେ ଏଲନ ମସ୍କ ସ୍ପଷ୍ଟ କରିଛନ୍ତି।
ଏଲନ ମସ୍କ ଟ୍ୱିଟ କରି ଲେଖିଛନ୍ତି ଯେ କିଛି ଦିନ ପାଇଁ ଟ୍ୱିଟର ଡିଲକୁ ରୋକାଯାଇଛି। ଟ୍ୱିଟର ଗୋଟିଏ ଫାଇଲିଙ୍ଗରେ ସୂଚନା ଦେଇଛି। ଗୋଟିଏ ପ୍ଲାଟଫର୍ମରେ ୫ ପ୍ରତିଶତ ସ୍ପାମ ବା ଫେକ ଆକାଉଣ୍ଟ ରହିଛି। ଏହି ସୋସିଆଲ ମିଡିଆ ଆକାଉଣ୍ଟରେ ୨୨.୯ କୋଟି ୟୁଜର୍ସ ରହିଛନ୍ତି।
ଏଲନ ମସ୍କଙ୍କ ଏହି ଘୋଷଣା ପରେ ସେୟାର ବଜାରରେ ସାଂଘାତିକ ପ୍ରଭାବ ପଡ଼ିଛି। ଆନ୍ତର୍ଜାତୀୟ ସେୟାର ବଜାରରେ ଟ୍ୱିଟରର ସେୟାର ୨୦ ପ୍ରତିଶତ ହ୍ରାସ ପାଇଛି। ଟ୍ୱିଟରରୁ ସ୍ପାମ ଭଳି ସମସ୍ୟା ଦୂର କରିବା ଲକ୍ଷ୍ୟ ରଖିଥିଲେ ଏଲନ ମସ୍କ। ହେଲେ ଡିଲ୍ ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଥିଲେ ବି ଏହା ହୋଇପାରିନଥିବାରୁ ଶେଷ ମୁହୂର୍ତ୍ତରେ ତାଙ୍କ ପକ୍ଷରୁ ଏହାକୁ ସ୍ଥଗିତ ରଖାଯାଇଛି। ଗତମାସ ଶେଷ ସପ୍ତାହରେ ଏଲନ ମସ୍କ ୪୪ ଆରବ ଡଲାରରେ ଟ୍ୱିଟରକୁ କିଣିବା ପାଇଁ ଡିଲ୍ ଫାଇନାଲ୍ ହୋଇଥିଲା ବୋଲି ଘୋଷଣା କରିଥିଲେ।
Comments are closed.