ତୁରେକେଲା: ବଙ୍ଗୋମୁଣ୍ଡା ପାତଲପଡା କେନାଲ ନିକଟ ରାସ୍ତାରେ ଦୁଇ ବାଇକ ମଧ୍ୟରେ ମୁହାଁମୁହିଁ ଦୁର୍ଘଟଣା ଘଟିଛି। ଦୁର୍ଘଟଣାରେ ୩ ଜଣ ଗୁରୁତର ଆହତ ହୋଇଛନ୍ତି। ଗୁରୁତର ଆହତମାନେ ହେଲେ ଭିର୍କାପଡା ଗାଁର ଅଲେଖ ବାଗ ( ୨୮), ପାତଲପଡା ଗାଁର ନରେନ ବାଗ ( ୩୦), ଗୋହରିଆପଦର ଗାଁର ସଂଙ୍ଖ ବଚ୍ଛା (୩୧)। ଆହତମାନଙ୍କୁ ବଙ୍ଗୋମୁଣ୍ଡା ଦମକଳ କର୍ମଚାରୀ ଉଦ୍ଧାର କରି କଂଟାବାଞ୍ଜି ଡାକ୍ତରଖାନା ଚିକିତ୍ସା ପାଇଁ ଆଣିଥିଲେ। ଅଲେଖ ବାଗଙ୍କ ଅବସ୍ଥା ଠିକ ନଥିବାରୁ ବଲାଙ୍ଗିର ଜିଲ୍ଲା ମୂଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
ସୂଚନା ଅନୁସାରେ ଅଲେଖ ବାଗ ଓ ନରେନ ବାଗ ଗୋଟିଏ ମୋଟର ସାଇକେଲରେ ପାତଲପଡାରୁ ବଙ୍ଗୋମୁଣ୍ଡା ଯାଉଥିଲେ ଏବଂ ବିପରିତ ଦିଗରୁ ସଂଙ୍ଖ ବଚ୍ଛା ଗୋହିରିଆପଦରରୁ ପାତଲପଡା ବାଇକରେ ଯାଉଥିଲେ। ଠିକ ପାତାଲପଡା କେନାଲ ରାସ୍ତାରେ ଦୁଇ ବାଇକ ମୁହାଁମୁହିଁ ଧକ୍କା ହୋଇଥିଲା। ଖବର ପାଇ ବଙ୍ଗୋମୁଣ୍ଡା ଦମକଳ କର୍ମଚାରୀ ଗୁରୁତରଙ୍କୁ ଉଦ୍ଧାର କରି ଡାକ୍ତରଖାନା ଚିକିତ୍ସା ପାଇଁ ନେଇଥିଲେ।
