ତିଗିରିଆ: ତିଗିରିଆ ବ୍ଲକ ବିଜୁ ମହିଳା ଜନତା ଦଳ ପକ୍ଷରୁ ତିଗିରିଆ ବ୍ଲକରେ ମହାନଦୀ ବନ୍ୟାରେ ସର୍ବପ୍ରଥମେ ଜଳବନ୍ଦୀ ହୋଇ ରହିଥିବା ଚଷାଆଁରା ଗ୍ରାମର ବିପନ୍ନ ପରିବାରଗୁଡ଼ିକୁ ଶନିବାର ଶୁଖିଲା ଖାଦ୍ୟ ବଣ୍ଟନ କରିଛନ୍ତି। ସମୁଦାୟ ୧୭୫ଟି ପରିବାରକୁ ଏହି ସହାୟତା ପ୍ରଦାନ କରାଯାଇଥିବା ଜଣାପଡ଼ିଛି। ଏହି କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷା ସନ୍ଧ୍ୟାରାଣୀ ନାୟକ, ମନ୍ତ୍ରୀଙ୍କ ପ୍ରତିନିଧି ତାପସ ପ୍ରଧାନ, ଜିଲ୍ଲା ପରିଷଦ ସଦସ୍ୟ ସଞ୍ଜୟ ମଲ୍ଲିକ ଓ ସସ୍ମିତା ରାଉତ, ବିଜୁ ମହିଳା ଜନତା ଦଳ ବ୍ଲକ ସଭାନେତ୍ରୀ ରୂପା ଦଳେଇ, ପୂର୍ବତନ ବ୍ଲକ ଉପାଧ୍ୟକ୍ଷ ଗୌରହରି ପରିଡ଼ା, ପୁରୁଣାତିଗିରିଆ ସରପଞ୍ଚ ପ୍ରତାପ ଜେନା, ବିଜୁ ମହିଳା ଜନତା ଦଳ ପୁରୁଣାତିଗିରିଆ ପଞ୍ଚାୟତ ସଭାନେତ୍ରୀ ମୀରାରାଣୀ ସାମଲ, ମିଶନଶକ୍ତି ସଭାନେତ୍ରୀ ସମସୁରା ବେଗମ୍ ପ୍ରମୁଖ ଉପସ୍ଥିତ ରହି ବିପନ୍ନ ପରିବାରଗୁଡ଼ିକୁ ଶୁଖିଲା ଖାଦ୍ୟ ବଣ୍ଟନ କରିଥିଲେ। ଗତ ସୋମବାର ଠାରୁ ଚଷାଆଁରା ଗ୍ରାମଟି ଏବେବି ଜଳବନ୍ଦୀ ହୋଇ ରହିଛି। ଉକ୍ତ ଗ୍ରାମ ସଂଯୁକ୍ତ ରାସ୍ତାରେ ପ୍ରାୟ ୩ ଫୁଟ ଉଚ୍ଚରେ ବନ୍ୟାଜଳ ପ୍ରବାହିତ ହେଉଛି।
Popular Categories
Previous article
Next article