ଠାକୁରମୁଣ୍ଡା:ଠାକୁରମୁଣ୍ଡା ବ୍ଲକ ବାଉଁଶଡିହା ଆଶ୍ରମ ସ୍କୁଲ ରେ ଆଜି ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ବ୍ଲକ ମଙ୍ଗଳ ସମ୍ପ୍ରସାରଣ ଅଧିକାରୀ ସୁଶାନ୍ତ କୁମାର ସାହୁଙ୍କ ସଭାପତିତ୍ୱରେ ଅନୁଷ୍ଠିତ ବାର୍ଷିକ ଉତ୍ସବ ସଭାରେ ମୁଖ୍ୟ ଅତିଥି ଭରାଣ୍ଡିଆ ସରପଞ୍ଚ ଅନିତା ଗୁମୁଲିଆ ଯୋଗଦେଇ ଦେଇଥିଲା ବେଳେ ,ମୁଖ୍ୟ ବକ୍ତା ଭାବେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ସନ୍ତୋଷ କୁମାର ମିଶ୍ର ଯୋଗଦେଇ କହିଥିଲେ ଯେ ତ୍ରୁଟି ବାଛିବା ସହଜ ମାତ୍ର ତ୍ରୁଟି ସୁଧାରିବା ସବୁଠୁ କଠିନ କହିବା ସହ ଗୁରୁଜନଙ୍କ ଦୃଷ୍ଟିକୋଣ କ’ଣ ହେବା ଉଚିତ ସେ ସମ୍ପର୍କରେ ବକ୍ତବ୍ୟ ରଖିଥିଲେ।
ସ୍କୁଲର ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ବାନାରା ବାର୍ଷିକ ବିବରଣୀ ପାଠ କରିଥିଲେ। ସମ୍ମାନୀତ ଅତିଥି ଭାବେ ଗହଣ୍ଡିଆ ବିଦ୍ୟାଳୟର ପ୍ରଧାନ ଶିକ୍ଷକ ଯୁଧିଷ୍ଠିର ମହାନ୍ତ, ଠାକୁରମୁଣ୍ଡା ସିଆରସିସି ଅଲେଖ ପଲେଇ, ଭରାଣ୍ଡିଆ ସିଆରସିସି ଶ୍ୟାମସୁନ୍ଦର ଜେନା, ସ୍କୁଲ କମିଟି ଚ୍ୟାୟାରମେନ୍ ,ଭରାଣ୍ଡିଆ ନାଏବ ସରପଞ୍ଚ ସୁଶୀଲ କୁମାର ମହାନ୍ତ ପ୍ରମୁଖ ଯୋଗଦେଇ ବକ୍ତବ୍ୟ ରଖିଥିଲେ।
ଶିକ୍ଷକ ସୁଶାନ୍ତ ସେଠୀ ମଞ୍ଚ ପରିଚାଳନା ଓ ଧନ୍ୟବାଦ ଅର୍ପଣ କରିଥିଲ। କାର୍ଯ୍ୟକ୍ରମ ପରିଚାଳନାରେ ଆଶ୍ରମ ସ୍କୁଲ ସମସ୍ତ ଶିକ୍ଷକ କର୍ମଚାରୀ ସହଯୋଗ କରିଥିଲେ। ଶେଷରେ ଛାତ୍ରଛାତ୍ରୀମାନଙ୍କ ଦ୍ବାରା ସାସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
Comments are closed.