ଠାକୁରମୁଣ୍ଡା: କରଞ୍ଜିଆ ବନଖଣ୍ଡ ସାତକୋଶିଆ ରେଞ୍ଜ ଅଞ୍ଚଳରୁ ବୁଧବାର ଗୋଟିଏ ବାରହାର ମୃତଦେହକୁ ବନ କର୍ମଚାରୀମାନେ ଉଦ୍ଧାର କରିଛନ୍ତି। ସୂଚନା ଅନୁଯାୟୀ, ଶାଳଚୁଆ ଗ୍ରାମ ନିକଟ ଜଙ୍ଗଲ ଭିତରେ ଏକ ବାରହାର ମୃତଦେହ ପଡିଥିବା ନେଇ ସ୍ଥାନୀୟ ଲୋକେ ସକାଳେ ବନବିଭାଗକୁ ଖବର ଦେବା ପରେ ଘଟଣାସ୍ଥଳରୁ ବାରହାର ମୃତଦେହକୁ ବିଭାଗର କର୍ମଚାରୀମାନେ ଉଦ୍ଧାର କରିଥିଲେ। ପରେ ତାକୁ ପ୍ରାଣୀ ଚିକିତ୍ସାଳୟକୁ ଆଣି ବ୍ୟବଚ୍ଛେଦ ପରେ ମୃତଦେହକୁ ବିଭାଗ ପକ୍ଷରୁ ପୋତି ଦିଆଯାଇଛି। ଉଦ୍ଧାର ହୋଇଥିବା ବାରହାର ଦେହ ଚମଡାରେ ଏକ ଧନୁତୀର ବାଜିଥିବା ନେଇ ବନବିଭାଗ କହିଛି। ମୃତ୍ୟୁର କାରଣ ଜଣାପଡି ନଥିବା ବେଳେ ଏହି ବୟସ୍କ ବାରହାଟିର ଓଜନ ପ୍ରାୟ ୭୦ କେଜି ହେବ। ସାତକୋଶିଆ ରେଞ୍ଜରେ ଏ ସଂକ୍ରାନ୍ତରେ ଏକ ମାମଲା ରୁଜ୍ଜୁ କରାଯାଇ ତଦନ୍ତ କରାଯାଉଛି। ତେବେ ବନାଗ୍ନି ପାଇଁ ଏବେ ଗାଁ ମୁହାଁ ହେଉଛନ୍ତି ବନ୍ୟଜନ୍ତୁ।
Comments are closed.