ନୂଆଦିଲ୍ଲୀ: ଥାଇଲ୍ୟାଣ୍ଡର ଦୁର୍ଗମ ଗୁମ୍ଫାରୁ ୧୨ଫୁଟବଲ ଖେଳାଳୀ ସମେତ ତାଙ୍କ କୋଚଙ୍କୁ ଉଦ୍ଧାର କରିବାକୁ ଯାଇ ଜଣେ ନେଭାଲ କମାଣ୍ଡଙ୍କ ମୃତ୍ୟୁ ହୋଇଯାଇଛି। ପ୍ରତିକୂଳ ପାଗ ସତ୍ତେ୍ୱ ଉଦ୍ଧାର କାର୍ଯ୍ୟ ଜାରି ରହିଛି। ଯେଉଁ ରାସ୍ତା ଦେଇ ଫୁଟବଲ ଖେଳାଳୀଙ୍କୁ ଉଦ୍ଧାର କରିବାକୁ ଯୋଜନା କରାଯାଇ ଥିଲା, ଅମ୍ଳଜାନର ଅଭାବ ହେତୁ ଉକ୍ତ ରାସ୍ତାରେ କମାଣ୍ଡଙ୍କ ମୃତ୍ୟୁ ହୋଇଯାଇଛି। ଫଳରେ ଫୁଟବଲ ଟିମଙ୍କୁ ଉଦ୍ଧାର ପାଇଁ ପ୍ରସ୍ତୁତ ବ୍ଲୁପ୍ରିଣ୍ଟକୁ ପୁଣି ଥରେ ତର୍ଜମା କରୁଛନ୍ତି ଉଦ୍ଧାରକାରୀ ଦଳ। ଗୁରୁବାର ରାତି ପ୍ରାୟ ୨ଟା ସମୟରେ ପାଣି ଘେରରେ ଥିବା ଗୁମ୍ଫା ଭିତରୁ ବାହାର କରିବାକୁ କମାଣ୍ଡ ଉଦ୍ୟମ କରିବାକୁ ଯାଇ ପ୍ରାଣ ହରାଇଛନ୍ତି। ଜଣେ ପ୍ରଶିକ୍ଷିତ ବୁଡ଼ାଳି ସୁରକ୍ଷିତ ବାହାରକୁ ବାହାରି ପାରୁ ନାହାନ୍ତି ସେତେବେଳେ ୧୫ରୁ ୧୬ବର୍ଷର ବାଳକ କେମିତି ବାହାରିବେ ଏଭଳି ଏକ ପ୍ରଶ୍ନ ଉଦ୍ଧାରକାରୀଙ୍କ ମନରେ ଆଶଙ୍କା ଆଣିଛି। ଗୁମ୍ଫା ମଧ୍ୟରେ ପାଣି ପ୍ରବେଶକୁ ବନ୍ଦ କରିବାକୁ ଯାଇ ଉଦ୍ଧାରକାରୀ ପ୍ରବେଶ୍ ଦ୍ୱାରକୁ ବନ୍ଦ କରି ଦେଇଛନ୍ତି। ତେବେ ତୁହାକୁ ତୁହା ବର୍ଷା ଉଦ୍ଧାର କାର୍ଯ୍ୟରେ ପ୍ରମୁଖ ବାଧକ ପାଲଟିଛି।
