ଜମ୍ମୁ: ଜମ୍ମୁ ଓ କାଶ୍ମୀର ଶୋପିୟାଁ ଜିଲାରେ ଥିବା ଏକ ସେନା ଶିବିରରେ ଆତଙ୍କବାଦୀ ଆକ୍ରମଣ ହୋଇଛି। ରବିବାର ରାତି ପ୍ରାୟ ୮ଟାରେ ଏହି ଆକ୍ରମଣ ହୋଇଥିଲା। ତେବେ ଭାରତୀୟ ଯବାନ ଏହାର କଡ଼ା ଜବାବ ଦେଇଛନ୍ତି। ଯବାନଙ୍କ ଗୁଳିରେ ଜଣେ ଆତଙ୍କବାଦୀ ନିହତ ହୋଇଛି। ମୃତକ ନାମ ଶାହିଦ ଅହମ୍ମଦ। ସେ ଜାମନଗର ଅଞ୍ଚଳରେ ରହୁଥିଲା। ଅନ୍ୟ ଆତଙ୍କବାଦୀଙ୍କୁ ଧରିବାକୁ ସେନା ପକ୍ଷରୁ ସନ୍ଧାନୀ କାର୍ଯ୍ୟ ଜାରି ରହିଛି। ସୂଚନାଯୋଗ୍ୟ, ଚଳିତବର୍ଷ ଜମ୍ମୁ ଓ କାଶ୍ମୀରରେ ସେନା ଓ ଅର୍ଦ୍ଧ ସାମରିକ ବଳ ଶିବିର ଉପରେ ଆତଙ୍କବାଦୀ ଆକ୍ରମଣ ହୋଇଛି। ଗତ ମାସରେ ଜମ୍ମୁର ସୁଞ୍ଜୱା ଆର୍ମି ଶିବିର, ଶ୍ରୀନଗରରେ ସିଆରପିଏଫ କ୍ୟାମ୍ପ ଓ କୁପୱାଡାର ଅବନ୍ତୀପୁର ସିଆରପିଏଫ୍ କ୍ୟାମ୍ପ ଉପରେ ଆକ୍ରମଣ ହୋଇଥିଲା।
