କଟକ: ପୁଲିସ ଗୁଳିରେ କଟକର ଦୁର୍ଦ୍ଦାନ୍ତ ଅପରାଧୀ ସଦା ନାୟକ ଆହତ ହୋଇଛି । ସଦାର ବାମ ଗୋଡରେ ଗୁଳି ବାଜିଛି । ତାକୁ ଚିକିତ୍ସା ପାଇଁ ଏସ୍ସିବି ମେଡିକାଲରେ ଭର୍ତ୍ତି କରାଯାଇଛି ।
ସଦା ନାମରେ ବିଭିନ୍ନ ଥାନାରେ ବହୁ ଅପରାଧିକ ମାମଲା ରହିଛି । ଜେଲ୍ରେ ଥିବା ଦୁର୍ଦାନ୍ତ ଅପରାଧୀ ଧଳ ସାମନ୍ତଙ୍କ ଇସାରାରେ ସେ କାମ କରୁଥିବା ଅଭିଯୋଗ ହୋଇଥିଲା । ବିଜୟ ପାଲଙ୍କ ଘରକୁ ସେ ଗୁଳି ମାଡ କରିଥିଲା । ଏହାପରେ ପୁଲିସ ତାକୁ ଧରିବା ପାଇଁ ଉଦ୍ୟମ ଆରମ୍ଭ କରିଥିଲା । ସଦରଥାନା ପୁଲିସ ଗୁଳିରେ ସଦା ଆହତ ହୋଇଛି । ତା ନିକଟରୁ ଗୋଟିଏ ବନ୍ଧୁକ ଓ ଜୀବନ୍ତ ଗୁଳି ଜବତ କରାଯାଇଛି ।