ଏଭଳି ଅନେକ ସ୍ଥାନ ଅଛି, ଯେଉଁଠାରେ ଗରମଦିନେ ତାପମାତ୍ରା ୭୦ ଡିଗ୍ରୀ ଛୁଇଁଥାଏ। ଜନବସତି ଏ ସ୍ଥାନରେ ଏକରକମ ଅସମ୍ଭବ। ଏହି ସ୍ଥାନ ସମୂହର ବିସ୍ତୃତ ବିବରଣୀ ଏକ ବିଦେଶୀ ପତ୍ରିକାରେ ପ୍ରକାଶିତ ହୋଇଥିଲା।
ତନ୍ମଧ୍ୟରୁ ଅନ୍ୟତମ ହେଉଛି:
ଦଶତ୍-ଏ-ଲୁଟ୍, ଇରାନ୍: ଏହି ମରୁଭୂମିଟି ବିଶ୍ବର ଉତ୍ତପ୍ତତମ ସ୍ଥାନ ଭାବେ ଜଣାଯାଏ। ସ୍ୟାଟେଲାଇଟ୍ ଅନୁଧ୍ୟାନରୁ ଜଣାପଡ଼ିଥିଲା ଯେ ୨୦୦୩-୨୦୦୯ ମଧ୍ୟରେ ଗ୍ରୀଷ୍ମକାଳରେ ଏଠାର ତାପମାତ୍ରା ୭୦ଡିଗ୍ରୀ ପାର ହୋଇଥିଲା। ବିଶ୍ବରେ ସବୁଠୁ ଶୁଷ୍କ ସ୍ଥାନ ଭାବେ ପରିଚିତ ଏ ଅଞ୍ଚଳରେ କୌଣସି ପ୍ରାଣୀ ଦେଖାଯାନ୍ତିନାହିଁ।
ଡେଥ୍ ଭ୍ୟାଲି: ଆମେରିକାର କ୍ୟାଲିଫର୍ଣ୍ଣିଆସ୍ଥିତ ଡେଥ୍ ଭ୍ୟାଲିର ତାପମାତ୍ରା ୧୯୩୧ରେ ୬୦ ଡିଗ୍ରୀ ହୋଇଥିଲା। ସାଧାରଣ ଭାବେ ଏଠାର ତାପମାତ୍ରା ୪୮ଡିଗ୍ରୀ ଥିବାବେଳେ ଗ୍ରୀଷ୍ମରେ ଅସହ୍ୟ ଗରମ ଅନୁଭୂତ ହୋଇଥାଏ। କାହିଁ କେଉଁକାଳରୁ ଏ ଅଞ୍ଚଳଟି ଜନଶୂନ୍ୟ ହୋଇପଡ଼ିଛି।
ଅଜିଜିୟାହ, ଲିବିୟା: ଲିବିୟାର ରାଜଧାନୀ ତ୍ରିପୋଲିଠାରୁ ୨୫ କିମି ଦୂରରେ ରହିଛି ଅଜିଜିୟାହ। ୧୯୨୨ବେଳକୁ ଏଠାକାର ତାପମାତ୍ରା ୫୮ଡିଗ୍ରୀ ଥିଲା। ପରେପରେ ଏଠାରେ ତାପମାତ୍ରା ଦିନକୁଦିନ ବଢ଼ିବାରେ ଲାଗିଛି।
ବଦି ହାଲ୍ଫା, ସୁଦାନ୍: ଗତ ୨-୩ ବର୍ଷ ହେଲାଣି, ଏଠାରେ ବର୍ଷା ହୋଇନାହିଁ। ୧୯୬୭ ପରଠାରୁ ଏହି ଅଞ୍ଚଳର ତାପମାତ୍ରା ବଢ଼ିବାରେ ଲାଗିଛି। ୨୦୧୬ରେ ବଦି ହାଲ୍ଫାରେ ତାପମାତ୍ରା ୬୬ଡିଗ୍ରୀ ଅତିକ୍ରମ କରିଥିଲା।