କୋରାପୁଟ: କୋରାପୁଟ ଜିଲା ଲମତାପୁଟ ମାଛକୁଣ୍ଡରେ ମଙ୍ଗଳବାର ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି । ମାଛକୁଣ୍ଡ ପ୍ରକଳ୍ପରେ ସ୍ଥାୟୀ ନିଯୁକ୍ତି ସହ ୭ ଦଫା ଦାବି ନେଇ ମାଛକୁଣ୍ଡ ଯୁବକ ସଂଘ ଆନ୍ଦୋଳନକୁ ଓହ୍ଲାଇଛି । ଏହାର ପ୍ରଭାବରେ ସ୍ଥାନୀୟ ଅଞ୍ଚଳର ଦୋକାନବଜାର ବନ୍ଦ ରହିବା ସହ ଯାନବାହାନ ବାଧାପ୍ରାପ୍ତ ହୋଇଛି । ଆନ୍ଦୋଳନକାରୀମାନେ ବିଦ୍ୟୁତ ପ୍ରକଳ୍ପ କର୍ମଚାରୀଙ୍କୁ କାର୍ଯ୍ୟାଳୟ ମଧ୍ୟକୁ ପ୍ରବେଶ କରିବାକୁ ଦେଉନଥିବା ଜଣାପଡିଛି । ସୂଚନାଯୋଗ୍ୟ, ମାଛକୁଣ୍ଡ ଯୁବକ ସଂଘ ପକ୍ଷରୁ ସାତଦିନ ଧରି ଆନ୍ଦୋଳନରେ ବସିଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିଲା। ଫଳରେ ଆଜି ଯୁବକ ସଂଘ ପକ୍ଷରୁ ବନ୍ଦ ଡାକରା ଦିଆଯାଇଛି ।
