କଟକ: ମଙ୍ଗଳବାର ଦୁଇଟି ଜିଲାରେ ଏନଏସି ନିର୍ବାଚନ ପ୍ରକ୍ରିୟା ଆରମ୍ଭ ହୋଇଛି । ବରଗଡ଼ ଜିଲ୍ଲା ଅତାବିରା ଓ ଢେଙ୍କାନାଳ ଜିଲ୍ଲା ହିନ୍ଦୋଳରେ ନିର୍ବାଚନ ମତଦାନ ସକାଳୁ ଆରମ୍ଭ ହୋଇ ସନ୍ଧ୍ୟା ୫ଟା ଯାଏଁ ଚାଲିବ । ସକାଳ ୮ଟାରୁ ଭୋଟର ମାନେ ଲମ୍ବା ଧାଡ଼ିରେ ଠିଆ ହୋଇଥିବା ଦେଖିବାକୁ ମିଳିଛି ।
ହିନ୍ଦୋଳ ଏନଏସିର ୧୬ଟି ୱାର୍ଡ଼ର ୫୪ ଜଣ ପ୍ରାର୍ଥିଙ୍କ ପାଇଁ ୯୪୦୦ ଭୋଟ ଭାଗ୍ୟ ନିର୍ଦ୍ଦାରଣ କରୁଥିବାବେଳେ ବରଗଡ଼ ଅତାବିରା ଏନଏସିର ୧୨ଟି ୱାର୍ଡ଼ ମତଦାନ ପାଇଁ ଭୋଟରଙ୍କ ଉତ୍ସାହ ଦେଖାଯାଇଛି । ଅତାବିରାରେ ୧୩ଟି ମତଦାନ କେନ୍ଦ୍ର ହୋଇଛି ଓ ସେଥିରୁ ୫ଟି ଅଧିକ ସମ୍ବେଦନଶୀଳ ଓ ଅନ୍ୟ ୮ଟି ସମ୍ବେଦନଶୀଳ ଭାବେ ଚିହ୍ନଟ କରାଯାଇଛି ।
