ତେଲକୋଇ – ତେଲକୋଇ ଥାନା ଅନ୍ତର୍ଗତ କଣ୍ଟାବାହାଳ ସ୍ଥିତ ୪୯ ନମ୍ବର ଜାତୀୟ ରାଜପଥରେ ସଡ଼କ ଦୁର୍ଘଟଣାରେ ଜଣେ ବାଇକ୍ ଆରୋହୀଙ୍କ ମୃତ୍ୟୁ ହୋଇଛି । ମୃତକ ଜଣଙ୍କ ହେଲେ ସୁନ୍ଦରଗଡ ଜିଲ୍ଲା ରାଉରକେଲା କୋତ୍ରା ଅଞ୍ଚଳର ଶୁଭମ୍ ବିଶ୍ରା (୨୫) ।
ସୂଚନା ଅନୁଯାୟୀ , ଶୁଭମ୍ କେନ୍ଦୁଝର ସ୍ଥିତ ସରକାରୀ ଡିଗ୍ରୀ ମହାବିଦ୍ୟାଳୟ ରେ ଅଧ୍ୟୟନ କରୁଥିବା ବେଳେ ସୋମବାର (ଓଡ଼ି ୨୩କେ ୬୨୦୦) ନମ୍ବର ବିଶିଷ୍ଟ ବାଇକ୍ ଯୋଗେ ଘରୁ କେନ୍ଦୁଝର ଅଭିମୁଖେ ଆସୁଥିଲେ । କଣ୍ଟାବାହାଳ ନିକଟସ୍ଥ ପୋଲରେ ଦୁର୍ଘଟଣା ଗ୍ରସ୍ତ ହୋଇ ତଳକୁ ଖସି ପଡ଼ିଥିଲେ । ସ୍ଥାନୀୟ ଲୋକ ଓ ପୁଲିସ ପ୍ରଶାସନ ସହାୟତାରେ ଶୁଭମ୍ ଙ୍କୁ ପୋଲ ତଳୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ତେଲକୋଇ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତି କରାଯାଇଥିଲା । ସେଠାରେ ତାଙ୍କୁ ମୃତ ଘୋଷଣା କରାଯାଇଛି । ପୁଲିସ ପକ୍ଷରୁ ଏକ ମାମଲା ରୁଜୁ କରାଯାଇ ତଦନ୍ତ ଆରମ୍ଭ ହୋଇଛି । ମୃତ ଶୁଭମ୍ ଙ୍କ ପରିବାର କୁ ପୋଲିସ ଖବର ଦେଇଥିବା ଜଣା ପଡିଛି ।
