ଦୁବଇ – ଦୁବଇ ବିମାନ ସୋ’ରେ ଏକ ତେଜସ ବିମାନ ଉଡାଣ ବେଳ ଦୁର୍ଘଟଣା ଗ୍ରସ୍ତ ହୋଇ ଜଳିଯାଇଛି । ଏହି ବିମାନଟି ଆକାଶରୁ ହଠାତ୍ ତଳ ଆଡକୁ ଖସି ଆସିଥିଲା । ତଳେ ପଡିବା ପରେ ଏଥିରେ ବିସ୍ଫୋରଣ ହୋଇଥିଲା । ସ୍ଥାନୀୟ ସମୟ ଦିନ ୨ଟା ୧୦ରେ ଏହି ଦୁର୍ଘଟଣା ଘଟିଛି ।
ଏହିଦୁର୍ଘଟଣାରେ ପାଇଲଟ୍ଙ୍କ ମୃତ୍ୟୁ ହୋଇଛି । ଭାରତୀୟ ବାୟୁସେନା ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛି ।
ପୂର୍ବରୁ ରାଜସ୍ଥାନ ଜୈସଲମେରରେ ଏହି କ୍ରାସ୍ ହୋଇଥିଲା । ୨୦୨୪ ମସିହାରେ ତେଜସ୍ ଉଡାଣ ଭରିବା ସମୟରେ କ୍ରାସ ହୋଇଥିଲା । ଏହି ଯୁଦ୍ଧ ବିମାନଟି ହାଲକା ଏବଂ ବହୁ କ୍ଷିପ୍ରଗତିରେ ଯାଇପାରେ । ହିନ୍ଦୁସ୍ତାନ ଏରୋନଟିକାଲ୍ ଲିମିଟେଡ୍ , ହାଲ୍ ଏହାକୁ ବିକଶିତ କରିଛି ।
ଦୁବଇରେ ଏବେ ଅନ୍ତର୍ଜାତୀୟ ଏୟାର ସୋ ଚାଲିଛି । ଏହା ୧୯୮୬ ମସିହାରେ ଆରମ୍ଭ ହୋଇଥିଲା । ଏହା ନାଗରିକ ବିମାନର ଏକ ଛୋଟ ମେଳା ପରି ଆୟୋଜନ କରାଯାଉଥିଲା । ପ୍ରଥମଥର ଆୟୋଜନରେ କେବଳ ୨୫ଟି ବିମାନ ପହଞ୍ଚିଥିଲେ । ଏବେ ଏହା ବିଶ୍ୱର ସବୁଠାରୁ ବଡ ଏୟାର ସୋ ବନି ସାରିଛି । ଏଥିରେ ୧୫୦୦ରୁ ଅଧିକ ପ୍ରଦର୍ଶକ ଏବଂ ୨୦୦ରୁ ଅଧିକ ଉନ୍ନତ ବିମାନ ପହଞ୍ଚିଛି ।
