ପ୍ରାୟ ସମେସ୍ତ ଚା’ ପିଇବାକୁ ପସନ୍ଦ କରନ୍ତି । କିଛି ଲୋକ କେବଳ ସକାଳେ ଓ ସନ୍ଧ୍ୟାରେ ଚା’ ପିଇବାକୁ ପସନ୍ଦ କରୁଥିବା ବେଳେ କେତେକ ଦିନକୁ ୮ରୁ ୧୦ ଥର ଚା’ ପିଇଥାନ୍ତି । କିଛି ଲୋକ କ୍ଷୀର ଚା’ ପିଇବାକୁ ଭଲ ପାଆନ୍ତି ତ କେହି ଗ୍ରୀନ୍ ଟି, ବ୍ଲାକ୍ ଟି ବା ବ୍ଲାକ୍ କଫି ପିଇବାକୁ ପସନ୍ଦ କରନ୍ତି । କିନ୍ତୁ ଏହି ସବୁ ଚା’ ମଧ୍ୟରୁ କେଉଁ ଚା’ ସ୍ବାସ୍ଥ୍ୟ ପାଇଁ ହିତକାରକ ତାହା ସମସ୍ତଙ୍କୁ ଜଣା ନଥାଏ । ତେବେ ଆସନ୍ତୁ ଜାଣିବା କେଉଁ ଚା’ ଶରୀର ପାଇଁ ଲାଭଦାୟକ ।
କ୍ଷୀର ଚା’: କ୍ଷୀରରେ ଥିବା ଲାକ୍ଟୋଜ୍ ଓ ଚିନିରେ ଥିବା ଗ୍ଲୁକୋଜ୍ ଚା’ରେ ମିଶିବା ପରେ ଚା’ର ଗୁଣାବତ୍ତା ମାନ କମି ଯାଇଥାଏ । ଚା’ରେ କ୍ଷୀର ମିଶିବା ଦ୍ବାରା ଆଣ୍ଟି-ଆକ୍ସିଡେଣ୍ଟ୍ ତତ୍ତ୍ବର ପ୍ରଭାବ କମି ଯାଇଥାଏ । କ୍ଷୀର ଓ ଚିନିରେ ପ୍ରସ୍ତୁତ ଚା’ ପିଇବା ଦ୍ବାରା ଶରୀରରୁ କ୍ୟାଲସିୟମ୍ ର ପରିମାଣ ହ୍ରାସ ପାଇବା ସହ ଓଜନ ବୃଦ୍ଧି ଘଟିଥାଏ । ଏହା ଦ୍ବାରା ଏସିଡିଟି ହେବାର ଆଶଙ୍କା ବୃଦ୍ଧି ପାଇଥାଏ ।
ଚା’ରେ ଥିବା ଫାଇବ୍ରିନ୍ ଏବଂ ଆଲବ୍ୟୁମିନ ଓ କ୍ଷୀରରେ ଥିବା ପ୍ରୋଟିନ୍ ମିଶିବା ମାତ୍ରେ ଏକ ରସାୟନିକ ପ୍ରକ୍ରିୟା ସୃଷ୍ଟି ହୋଇଥାଏ । ଏହା ଚା’ ରେ ଥିବା ମହଜୁଦ୍ ଥିବା ଲାଭଦାୟକ ଗୁଣକୁ ନଷ୍ଟ କରିଦେଇଥାଏ । ତେଣୁ କ୍ଷୀର ଚା’ ଶରୀର ପାଇଁ ହିତକର ନୁହେଁ ।
ନାଲି ଚା’ ଏବଂ ଗ୍ରୀନ୍ ଟି: ଏକ ଗବେଷଣାରୁ ଜଣାପଡିଛି ଯେ ବ୍ଳାକ୍ ଟି ବା ନାଲି ଚା’ରେ ଥିବା ବିଶେଷ ତତ୍ତ୍ବ ଶରୀର ପାଇଁ ଲାଭଦାୟକ ହୋଇଥାଏ । ଏହା ଶରୀରର ଓଜନ ହ୍ରାସ କରିବାରେ ସାହାୟକ ହୋଇଥାଏ । ଏହା ସହ ନାଲି ଚା’ ଏବଂ ଗ୍ରୀନ୍ ଟି’ ରେ ପ୍ରୋବୋଟିକ୍ସ ତତ୍ତ୍ବ ରହିଥାଏ, ଯାହା ଶରୀରର ରୋଗପ୍ରତିରୋଧକ ଶକ୍ତି ବୃଦ୍ଧି କରିବାରେ ସହାୟକ ହୋଇଥାଏ । ତେଣୁ ନାଲି ଚା’ ଏବଂ ଗ୍ରୀନ୍ ଟି ଶରୀର ପାଇଁ ଲାଭଦାୟକ ବୋଲି ପ୍ରମାଣ ହୋଇଛି ।
