ସମାଜ ଡିଜିଟାଲ ଡେସ୍କ: ପାକିସ୍ତାନ କ୍ରିକେଟରେ ବର୍ତ୍ତମାନ ସମୟରେ ଅଜବ ଘଟଣାମାନ ସାମ୍ନାକୁ ଆସୁଛି। ବିଗତ ୩୬ ଘଣ୍ଟା ମଧ୍ୟରେ ୩ ଜଣ କ୍ରିକେଟର ଅବସର ଘୋଷଣା କରିବା ପରେ ଦଳ ଭିତରେ କିଛି ସମସ୍ୟା ରହିଥିବା ଚର୍ଚ୍ଚା ହେଉଛି। ନିକଟରେ ପାକ୍ ଟିମ୍ ଦକ୍ଷିଣ ଆଫ୍ରିକା ଗସ୍ତରେ ଯାଇଥିବାବେଳେ ଟି-୨୦ ସିରିଜରେ ପରାସ୍ତ ହୋଇଛି। ଏହା ଭିତରେ ଦଳର ମୁଖ୍ୟ ପ୍ରଶିକ୍ଷକ ତଥା ଅଷ୍ଟ୍ରେଲିଆର ପୂର୍ବତନ କ୍ରିକେଟର ଜେସନ ଗିଲେସ୍ପି ନିଜ ପଦରୁ ଇସ୍ତଫା ଦେଇଥିଲେ। ଏବେ ଦଳର ଦ୍ରୁତ ବୋଲର ତଥା ଅନ୍ତର୍ଜାତୀୟ କ୍ରିକେଟରେ ସବୁଠୁ ଡେଙ୍ଗା କ୍ରିକେଟର ଭାବେ ପରିଚିତ ୭.୧ ଫୁଟ ଉଚ୍ଚ ମହମ୍ମଦ ଇରଫାନ ଅବସର ଘୋଷଣା କରିଛନ୍ତି। ସେ ଦଳ ପାଇଁ ୪ଟି ଟେଷ୍ଟ, ୬୦ଟି ଦିନିକିଆ ଏବଂ ୨୨ଟି ଟି-୨୦ ମ୍ୟାଚ ଖେଳିଛନ୍ତି। ସେ ଟେଷ୍ଟରେ ୧୦ଟି, ଦିନିକିଆରେ ୮୩ ଏବଂ ଟି-୨୦ରେ ୧୬ଟି ଉଇକେଟ ନେଇଛନ୍ତି। ଇରଫାନଙ୍କ ପୂର୍ବରୁ ମହମ୍ମଦ ଆମିର ଏବଂ ଇମାଦ ଓ୍ବସୀମ ବି ଅବସର ଘୋଷଣା କରିଛନ୍ତି।
Popular Categories
Previous article
Next article