ନୂଆଦିଲ୍ଲୀ: ନୋବେଲ୍ ପୁରସ୍କାର ବିଜୟିନୀ ମଲାଲା ୟୁସଫ୍ଜାଇଙ୍କ ଉପରକୁ ଗୁଳି ଚଳାଇ ହତ୍ୟା ଉଦ୍ୟମ କରିଥିବା ତାଲିବାନୀ ନେତା ଫାଜଲୁହ୍ଲା ଆମେରିକାର ସାମରିକ କାର୍ଯ୍ୟାନୁଷ୍ଠାନରେ ନିହତ ହୋଇଥିବା କୁହାଯାଉଛି। ଆମେରିକୀୟ ସେନାଧିକାରୀଙ୍କ ସୂୂଚନାକୁ ଉଦ୍ଧାର କରି ‘ଭଏସ୍ ଅଫ୍ ଆମେରିକା’ ଏହି ଖବର ପ୍ରସାରଣ କରିଛି।
ଆଫ୍ଗାନିସ୍ତାନରେ ମୁତୟନ ଆମେରିକା ସେନାବାହିନୀର ମୁଖପାତ୍ର ଲେଫ୍ଟନାଣ୍ଟ କର୍ଣ୍ଣେଲ୍ ମାର୍ଟିନ୍ ଓ ଡୋନେଲ୍ଙ୍କ ସୂଚନା ଅନୁଯାୟୀ, ତେହେରିକ୍ – ଇ – ତାଲିବାନ୍ ପାକିସ୍ତାନର କେତେକ ନେତା ଲୁଚିଥିବା ସୂଚନା ମିଳିବା ପରେ ଆଫ୍ଗାନିସ୍ତାନ ଓ ପାକିସ୍ତାନ ମଧ୍ୟବର୍ତ୍ତୀ ଅଞ୍ଚଳ କନୌର ପ୍ରୋଭିନ୍ସରେ ଜୁନ୍ ୧୩ ତାରିଖରେ ଡ୍ରୋନ୍ ଆକ୍ରମଣ କରାଯାଇଥିଲା। ଏଥିରେ ଫାଜଲୁହ୍ଲାର ମୃତ୍ୟୁ ଘଟିଛି। ଏହାପୂର୍ବରୁ ମଧ୍ୟ ଫାଜୁଲୁହ୍ଲା ନିହତ ହୋଇଥିବା ଆମେରିକା ପକ୍ଷରୁ ଦାବି କରାଯାଇଥିଲା।
