ଫୁଲବାଣୀ: କେନ୍ଦ୍ରୀୟ ବିଦ୍ୟାଳୟ କନ୍ଧମାଳଠାରେ ସୋମବାର ତବଲା ପ୍ରଶିକ୍ଷଣ ନିମିତ୍ତ ଏକ ବିଶେଷ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଦିଲ୍ଲୀର ଏକ ଏନଜିଓ ରୁଟ ଟୁ ରୁଟ ଏବଂ କେନ୍ଦ୍ରୀୟ ବିଦ୍ୟାଳୟ ସଂଗଠନ ଆନୁକୁଲ୍ୟରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏଥିରେ ବିହାର ପାଟଣାର ବିଶିଷ୍ଟ ତବଲା ବାଦକ ଗୁରୁ ନନ୍ଦନ କୁମାର ଠାକୁର ଯୋଗ ଦେଇ ଛାତ୍ରଛାତ୍ରୀମାନଙ୍କୁ ତବଲା ବାଦନ କୌଶଳ ଶିକ୍ଷା ଦେଇଥିଲେ । ଛାତ୍ରଛାତ୍ରୀମାନେ ତବଲା ବଜାଇବା କୌଶଳ ଶିଖିବା ସଙ୍ଗେ ସଙ୍ଗେ ମନୋରଞ୍ଜନ କରିଥିଲେ । ବିଦ୍ୟାଳୟର ବରିଷ୍ଠ ଶିକ୍ଷକ ପ୍ରଶାନ୍ତ କୁମାର ମହପାତ୍ର ସ୍ଵାଗତ ଭାଷଣ ଓ ଧନ୍ୟବାଦ ଦେଇଥିଲେ । ଭାରପ୍ରାପ୍ତ ଅଧ୍ୟକ୍ଷ ନାହାର ସିଂ ମିନା ଛାତ୍ରଛାତ୍ରୀମାନଙ୍କୁ ସମ୍ବୋଧିତ କରିଥିଲେ। ସଙ୍ଗୀତ ଶିକ୍ଷକ ନରେନ୍ଦ୍ର କୁମାର ବର୍ମା କାର୍ଯ୍ୟକ୍ରମ ପରିଚାଳନା କରିଥିଲେ।
Comments are closed.