ନୂଆଦିଲ୍ଲୀ : ଦିଲ୍ଲୀର ରାଉଜ ଏଭେନ୍ୟୁ କୋର୍ଟ ପରିସର ସ୍ଥିତ ଆମ ଆଦମୀ ପାର୍ଟିର ଅଫିସକୁ ନେଇ ସୋମବାର ସୁପ୍ରିମକୋର୍ଟ ନିଷ୍ପତ୍ତି ଶୁଣାଇଛନ୍ତି । କୋର୍ଟ ଆମ ଆଦମୀ ପାର୍ଟିକୁ ୧୫ ଜୁନ୍ ସୁଦ୍ଧା ଅଫିସ ଖାଲି କରିବାକୁ ନିର୍ଦ୍ଦେଶ ଦେଇଛନ୍ତି । ପ୍ରଧାନ ବିଚାରପତି ଡି ଓ୍ବାଇ ଚନ୍ଦ୍ରଚୂଡ ଏବଂ ଜଷ୍ଟିସ୍ ଜେ ବି ପାରଦିଓ୍ବାଲା ଏବଂ ଜଷ୍ଟିସ ମନୋଜ ମିଶ୍ରାଙ୍କ ଖଣ୍ଡପୀଠ ଆପରୁ ନିଜ କାର୍ଯ୍ୟାଳୟ ପାଇଁ ଭୂମି ବଣ୍ଟନ ପାଇଁ ଭୂମି ଏବଂ ବିକାଶ କାର୍ଯ୍ୟାଳୟ ସହ ସମ୍ପର୍କ କରିବାକୁ କହିଛନ୍ତି ।
ସୁପ୍ରିମକୋର୍ଟରେ ଏହି ଯାଚିକା ଆପ୍ ତରଫରୁ ଆବେଦନ କରାଯାଇଥିଲା । ଆମ ଆଦମୀ ପାର୍ଟି ହାଇକୋର୍ଟଙ୍କ ନିଷ୍ପତ୍ତିକୁ ଚାଲେଞ୍ଜ ଦେଇଥିଲା । ଏଥିରେ ଆପକୁ କାର୍ଯ୍ୟାଳୟ ଖାଲି କରିବାକୁ କୁହାଯାଇଥିଲା । ଆପ୍ କହିଥିଲା କି ସେ ଜାତୀୟ ଦଳ, ତେଣୁ ଦଳକୁ କୌଣସି ଏକ ଭଲ ସ୍ଥାନରେ କାର୍ଯ୍ୟାଳୟ ଖୋଲିବାକୁ ଅନୁମତି ଦିଆଯାଉ । କିନ୍ତୁ ସୁପ୍ରିମକୋର୍ଟ ହାଇକୋର୍ଟଙ୍କ ନିଷ୍ପତ୍ତିକୁ କାଏମ ରଖି ଆମ ଆଦମୀ ପାର୍ଟିର ଯାଚିକାକୁ ଖାରଜ କରିଛନ୍ତି ।
କହିରଖୁଛୁ ଦିଲ୍ଲୀରେ ରାଉଜ ଏଭେନ୍ୟୁ କୋର୍ଟର ବିସ୍ତାରକୁ ନେଇ ସର୍ଭେ ହୋଇଥିଲା । ଏହା ପରେ ଆମିକସ କ୍ୟୁରୀର ପରମେଶ୍ବର ସୁପ୍ରିମକୋର୍ଟଙ୍କୁ ଜଣାଇଥିଲେ କି ଦିଲ୍ଲୀ ହାଇକୋର୍ଟଙ୍କ ଜମିରେ ଏକ ରାଜନୈତିକ ଦଳର କାର୍ଯ୍ୟାଳୟ ରହିଛି, ଯେଉଁଥିପାଇଁ ଅସୁବିଧା ହେଉଛି । ଏହା ପରେ ହାଇକୋର୍ଟ ଆମ ଆଦମୀ ପାର୍ଟିକୁ ଅଫିସ ଖାଲି କରିବାକୁ ନିର୍ଦ୍ଦେଶ ଦେଇଥିଲେ ।
