ନୂଆଦିଲ୍ଲୀ: ଉତ୍ତରାଖଣ୍ଡରେ ଥିବା ଜିମ୍ କର୍ବେଟ ଜାତୀୟ ପାର୍କରେ ଥିବା ବ୍ୟାଘ୍ର ସଫାରୀକୁ ବନ୍ଦ ରଖିବାକୁ ସର୍ବୋଚ୍ଚ ନ୍ୟାୟାଳୟ ଇତିମଧ୍ୟରେ ନିର୍ଦେଶ ଦେଇଛନ୍ତି। ବ୍ୟାଘ୍ର ସଫାରୀ ପାଇଁ ଉଦ୍ଦିଷ୍ଟ ଜମିରେ ଅନ୍ୟ ନିର୍ମାଣ କାର୍ଯ୍ୟ ଜାରି ରହିଥିବାରୁ ସର୍ବୋଚ୍ଚ ନ୍ୟାୟାଳୟ ଖଣ୍ଡପୀଠ ଉତ୍ତରାଖଣ୍ଡ ସରକାରଙ୍କ ଉପରେ ବର୍ଷିଛନ୍ତି। ଅଯଥାରେ ଶହ ଶହ ଗଛ କାଟି ସେଠାରେ ଅନ୍ୟ ପ୍ରକଳ୍ପ ନିର୍ମାଣ କରାଯାଉଥିବାରୁ ପରିବେଶକୁ ନଷ୍ଟ କରାଯାଉଛି ବୋଲି ସର୍ବୋଚ୍ଚ ନ୍ୟାୟାଳୟ କହିଛନ୍ତି। ପର୍ଯ୍ୟଟନକୁ ପ୍ରୋତ୍ସାହନ ଆଳରେ ଜଙ୍ଗଲ ନଷ୍ଟ କରୁଥିବାରୁ ଖଣ୍ଡପୀଠ ଉତ୍ତରାଖଣ୍ଡର ପୂର୍ବତନ ମନ୍ତ୍ରୀ ହରକ ସିଂହ ରାୱତ୍ ଓ ପୂର୍ବତନ ଡିଏଫଓ (ଡିଭିଜନାଲ ଫରେଷ୍ଟ ଅଫିସର) କିଷନ ଚାନ୍ଦଙ୍କ କାର୍ଯ୍ୟରେ ତୀବ୍ର ଅସନ୍ତୋଷ ବ୍ୟକ୍ତ କରିଛନ୍ତି। ଏଥିପାଇଁ ଦାୟୀ ବ୍ୟକ୍ତିଙ୍କ ନିକଟରୁ କିପରି କ୍ଷତିପୂରଣ ରାଶି ଆଦାୟ ହୋଇପାରିବ, ସେଥିପାଇଁ କମିଟି ଗଠନ କରିବାକୁ ଖଣ୍ଡପୀଠ କେନ୍ଦ୍ର ସରକାରଙ୍କୁ ନିର୍ଦେଶ ଦେଇଛନ୍ତି। ବିଚାରପତି ବି.ଆର.ଗଭାଇ, ପି.କେ.ମିଶ୍ର ଓ ସନ୍ଦୀପ ମେହେଟ୍ଟାଙ୍କୁ ନେଇ ଗଠିତ ଖଣ୍ଡପୀଠରେ ମାମଲାର ଶୁଣାଣି କରାଯାଇଛି।
Comments are closed.