ବାସୁଦେବପୁର : ସାମ୍ଭାବ୍ୟ ଅଦିନିଆ ବର୍ଷାକୁ ନେଇ ଧାନମଣ୍ଡି ବୁଲି ସ୍ଥିତି ପରଖିଛନ୍ତି ବାସୁଦେବପୁର ଯୋଗାଣ ଅଧିକାରିଣୀ ମଧୁସ୍ମିତା ସେନାପତି । ଏହି ଅବସରରେ ପଦ୍ମପୁରଠାରେ ଥିବା ଧାନମଣ୍ଡିରେ ଚାଷୀମାନଙ୍କୁ ମିଳୁଥିବା ଗନିବ୍ୟାଗ ବଣ୍ଡଲର ହେରାଫେରୀ ସଂପର୍କରେ କେତେଜଣ ଚାଷୀ ଅଭିଯୋଗ କରିଥିଲେ । ଠାକୁରସାହୀର ମନରଞ୍ଜନ ଦାଶଙ୍କୁ ପଚାଶଗୋଟି ଗନିବ୍ୟାଗ ମିଳିଥିବା ବେଳେ ସେଥିମଧ୍ୟରୁ ପନ୍ଦରଗୋଟି ଗନିବ୍ୟାଗ ଚିରାଫଟା ଥିବା କହିଥିଲେ । ସେହିପରି ପଦ୍ମପୁର ଗ୍ରାମର ଶଶାଙ୍କଶେଖର ନାୟକଙ୍କୁ ଗୋଟିଏ ବଣ୍ଡଲରେ ପଚାଶଗୋଟି ଗନିବ୍ୟାଗ ଯୋଗାଇଦେଇଥିବା ବେଳେ ସେଥିମଧ୍ୟରୁ ଷୋହଳଗୋଟି ଗନିବ୍ୟାଗ ଚିରାଫଟା ଥିବା ସହିତ ପାଞ୍ଚଗୋଟି ଗନିବ୍ୟାଗ କମ ଥିବା କହିଥିଲେ । ଚାଷୀ ଅନିଲ ନାୟକ ହାତରୁ କୋଡିଏଗୋଟି ଗନିବ୍ୟାଗ କିଣି ଧାନମଣ୍ଡକୁ ଧାନ ଆଣିଥିବା ଅଭିଯୋଗ ଆଣିଥିଲେ । ଏନେଇ ଯୋଗାଣ ଅଧିକାରିଣୀ କୁହନ୍ତି, ସମବାୟ ସମିତିର ସଂପାଦକ ମିଲରଙ୍କ ଠାରୁ ଗନିବ୍ୟାଗ ନେଇ ଚାଷୀଙ୍କୁ ଦେବା କଥା, ଗଣତିରେ କମୁଥିବା ସଂପର୍କରେ ସଂପୃକ୍ତ ମିଲରମାନଙ୍କୁ ଅବଗତ କରାଯିବ । ଏମିତିବି ସମ୍ବଲପୁର ମିଲର ଗନିବ୍ୟାଗ ଯୋଗାଇ ପାରୁନଥିବା କାରଣରୁ ଜରିଅଖାରେ ଧାନମଣ୍ଡିକୁ ଧାନ ଆଣୁଥିବା ଦେଖିବାକୁ ମିଳିଛି ।
Popular Categories
Previous article
Next article