ଭୁବନେଶ୍ୱର(ସମାଜ ଡିଜିଟାଲ ଡେସ୍କ) – ସୁନ୍ଦରଗଡ ତଳସରା ଦମକୁଡାରେ ସ୍ତ୍ରୀ ରେଶମାଙ୍କୁ ତକିଆରେ ଚିପି ହତ୍ୟା କରିବା ପରେ ରଶିରେ ଝୁଲି ସ୍ୱାମୀ ହେମନ୍ତ ଆତ୍ମହତ୍ୟା କରିଥିବା ଅଭିଯୋ ହୋଇଛି ।
ବର୍ଷେ ତଳେ ରେଶମା ଏବଂ ହେମନ୍ତଙ୍କ ବିବାହ ହୋଇଥିଲା । ହେଲେ କିଛିଦିନ ହେବ ସେମାନଙ୍କ ସମ୍ପର୍କ ଭଲ ନଥିଲା । ଉଭୟ ଅଲଗା ରହୁଥିଲେ । ହେମନ୍ତ ଦାଦନରେ କାମ କରିବା ପାଇଁ ଗୋଆ ଚାଲିଯାଇଥିଲେ ।
କିଛି ଦିନ ହେବ ହେମନ୍ତ ଗାଁକୁ ଫେରି ସ୍ଥାନୀୟ ଇଟା ଭାଟିରେ କାମ କରୁଥିଲେ । ରେଶମା ମଧ୍ୟ ସେହି ଭାଟିରେ କାମ କରୁଥିଲେ । ଗତକାଲି ଉଭୟ ଏକାଠି ଫେରିଥିଲେ । ରେଶମା ଏବଂ ହେମନ୍ତ ଏକାଠି ଥିବା ବେଳେ କୌଣସି କଥାକୁ ନେଇ ଉଭୟଙ୍କ ଭିତରେ ଝଗଡା ହୋଇଥିବା ଅନୁମାନ କରାଯାଉଛି । ହେମନ୍ତ, ରେଶମାଙ୍କୁ ହତ୍ୟା କରିବା ପରେ ନିଜେ ରଶି ଦେଇ ଆତ୍ମହତ୍ୟା କରିଥିବା ଅନୁମାନ କରାଯାଉଛି । ଘଟଣାସ୍ଥଳରେ ପୁଲିସ ଏବଂ ସାଇଣ୍ଟିଫିକ୍ ଟିମ୍ ପହଞ୍ଚି ଏହାର ତଦନ୍ତ କରୁଛନ୍ତି ।
