ନୂଆଦିଲ୍ଲୀ : ଆମ୍ବ ଜୁସ୍ ପିଇବାକୁ ଅଧିକାଂଶ ପସନ୍ଦ କରନ୍ତି । ଖରାଦିନେ ଏହାର ଚାହିଦା ଅଧିକ ଥାଏ । ଘରେ ମଧ୍ୟ ଲୋକେ ଏହାର ଜୁସ୍ ପ୍ରସ୍ତୁତ କରି ସେବନ କରନ୍ତି । କେବଳ ଖରାଦିନେ ନୁହେଁ ବଜାରରେ ବିକ୍ରି ହେଉଥିବା ଜୁସକୁ ଲୋକେ ବର୍ଷ ସାରା ମଧ୍ୟ ପିଇ ଥାଆନ୍ତି । ମାତ୍ର ବଜାରରେ ବିକ୍ରି ହେଉଥିବା ଆମ୍ବର ଅନେକ ପ୍ରକାର ଜୁସ୍ ବୋତଲ ଓ ପ୍ୟାକେଟରେ ମିଳୁଛି । ଯାହାକୁ ଆମ୍ବ ରସ ଭାବି ପିଉଛନ୍ତି, ତାହା କିଭଳି ଓ କେଉଁ ଜିନିଷରୁ ମିଶି ପ୍ରସ୍ତୁତ ହେଉଛି, ତାହା ଜାଣନ୍ତି କି? ନିକଟରେ ସୋସିଆଲ ମିଡିଆରେ ଏହାର ଏକ ଭିଡିଓ ଶେୟାର କରାଯାଇଛି । ଭିଡିଓକୁ ଦେଖି ଲୋକେ ଆଶ୍ଚର୍ଯ୍ୟ ଚକିତ ହେଉଛନ୍ତି ।
ଭିଡିଓରେ ଦେଖିପାରିବେ, ହଳଦିଆ ରଙ୍ଗର ତରଳ ପଦାର୍ଥକୁ ଏକ ବଡ ଗ୍ରାଇଣ୍ଡର ମଧ୍ୟରେ ପକାଉଛନ୍ତି । ଏହାପରେ ଏଥିରେ ଲାଲ ଓ କମଳା ରଙ୍ଗର ଖାଦ୍ୟ ରଙ୍ଗ ମିଶାଉଛନ୍ତି । ଚିନି ସିରା ସହ ଅନ୍ୟ କିଛି ଜିନିଷ ମିଶାଯାଉଛି । ଏହାପରେ ପ୍ଲାଷ୍ଟିକ୍ ପ୍ୟାକେଟ୍ ଓ ବୋତଲ ଭିତରେ ଭର୍ତ୍ତି କରାଯାଉଛି । ଭିଡିଓ ଦେଖି ଲୋକେ ଆଶ୍ଚର୍ଯ୍ୟ ହେବା ସହ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।
