ନୂଆଦିଲ୍ଲୀ: ଶ୍ରୀଲଙ୍କାରେ ଶୋଚନୀୟ ଆର୍ଥିକ ସଙ୍କଟ ପରିପ୍ରେକ୍ଷୀରେ ଭାରତ ଏହାକୁ ଆଉ ଏକ ସହାୟତାର ହାତ ବଢ଼ାଇଛି। ଏହା ଶ୍ରୀଲଙ୍କାକୁ ୬୫,୦୦୦ ଟନ୍ ୟୁରିଆ ସାର ଯୋଗାଇଦେବାକୁ ନିଷ୍ପତ୍ତି ନେଇଛି। ଭାରତରେ ଅବସ୍ଥାପିତ ଶ୍ରୀଲଙ୍କାର ହାଇକମିଶନର ମିଲିଣ୍ଡା ମୋରୋଗୋଡା ଭାରତର ସାର ବିଭାଗ ସଚିବ ରାଜେଶ ଚତୁର୍ବେଦୀଙ୍କ ସହିତ ଏକ ବୈଠକରେ ମିଳିତ ହେବା ପରେ ଶ୍ରୀଲଙ୍କାକୁ ୟୁରିଆ ଯୋଗାଣ ପ୍ରସଙ୍ଗ ଉପରେ ଆଲୋଚନା କରାଯାଇଥିଲା। ଭାରତରୁ ୟୁରିଆ ରପ୍ତାନିକୁ ନିଷେଧ କରାଯାଇଥିବାବେଳେ ଶ୍ରୀଲଙ୍କା ସରକାରଙ୍କ ଅନୁରୋଧକ୍ରମେ ଭାରତ ତାହା ଯୋଗାଇଦେବାକୁ ରାଜି ହୋଇଥିବା ଶ୍ରୀ ଚର୍ତୁର୍ବେଦୀ ପ୍ରକାଶ କରିଥିଲେ।
ପୂର୍ବରୁ ଶ୍ରୀଲଙ୍କା ସରକାର ଜୈବିକ କୃଷିକୁ ରୂପାନ୍ତରଣ ନିମନ୍ତେ ପୂର୍ବ ବର୍ଷ ରାସାୟନିକ ସାର ଆମଦାନୀ ଉପରେ ନିଷେଧାଦେଶ ଜାରି କରିଥିଲେ। ତେବେ ହଠାତ୍ ଦେଶରେ ଅର୍ଥନୈତିକ ସଙ୍କଟ ଦେଖାଦେବା ସହିତ ଜୈବିକ ସାର ଅଭାବ ପରିସ୍ଥିତି ସୃଷ୍ଟି ହେବାରୁ ସେଠାରେ ଖାଦ୍ୟଶସ୍ୟ ଉତ୍ପାଦନ ବ୍ୟାପକ ଭାବରେ ପ୍ରଭାବିତ ହୋଇଛି। ଏହାକୁ ଦୃଷ୍ଟିରେ ରଖି ଶ୍ରୀଲଙ୍କା ସରକାର ଉକ୍ତ ନିଷେଧାଦେଇ ଉଠାଇନେବା ସହିତ କେତେକ ମୁଖ୍ୟ ମୁଖ୍ୟ ଫସଲରେ ରାସାୟନିକ ସାର ବ୍ୟବହାରକୁ ଅନୁମତି ପ୍ରଦାନ କରିଛନ୍ତି।
Comments are closed.