ଚେନ୍ନାଇ: ରାମେଶ୍ୱରମରେ ବଲିଉଡ୍ ଅଭିନେତ୍ରୀ ଶ୍ରୀଦେବୀଙ୍କର ଅସ୍ଥି ବିସର୍ଜନ କରାଯାଇଛି । ରାମେଶ୍ୱରମ୍ରେ ଥିବା ଭାରତ ମହାସାଗରରେ ଶ୍ରୀଦେବୀଙ୍କର ଅସ୍ଥିକୁ ସ୍ୱାମୀ ବୋନି କାପୁର ତାଙ୍କର ଦୁଇ ଝିଅ ଜାହ୍ନବୀ ଓ ଖୁସୀଙ୍କ ସହ ଯାଇ ବିସର୍ଜନ କରିଛନ୍ତି । ଅସ୍ଥି ବିସର୍ଜନର ଫଟୋକୁ ସୋସିଆଲ ମିଡିଆରେ ଝିଅ ଜାହ୍ନବୀ ସେୟାର କରିଛନ୍ତି ।
ଫେବ୍ରୁଆରୀ ୨୪ ତାରିଖରେ ହୋଟେଲର ବାଥ ଟବ୍ରେ ବୁଡି ଶ୍ରୀଦେବୀଙ୍କର ମୃତ୍ୟୁ ହୋଇଥିଲା । ଫେବ୍ରୁଆରୀ ୨୮ ତାରିଖରେ ତାଙ୍କ ଶେଷକୃତ୍ୟ ସମ୍ପନ୍ନ କରାଯାଇଥିଲା । ଦୁର୍ଘଟଣା ଯୋଗୁଁ ବୁଡିଯିବାରୁ ତାଙ୍କର ମୃତ୍ୟୁ ହୋଇଥିବା ଦୁବାଇ ପୁଲିସ ସୂଚନା ଦେଇଥିଲା । ଏହାପରେ ପରିବାର ଲୋକଙ୍କୁ ଶ୍ରୀଦେବୀଙ୍କର ପାର୍ଥୀବ ଶରୀର ନେବାପାଇଁ ପୁଲିସ ଅନୁମତି ଦେଇଥିଲା । ରାଷ୍ଟ୍ରୀୟ ସମ୍ମାନରସହ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା ।
