ଲଣ୍ଡନ: ସାଇବେରିଆରୁ ପ୍ରବଳ ଥଣ୍ଡାପବନ ବୋହୁଛି । ଏଥିଯୋଗୁଁ ୟୁରୋପର ବିଭିନନ୍ ଦେଶରେ ତାପମାତ୍ରା ହ୍ରାସ ପାଇଛି । ଇଂଲଣ୍ଡର ଅନେକ ଅଂଶ ତୁଷାରପାତ ଯୋଗୁଁ ବରଫ ଚାଦର ତଳେ ଘୋଡାଇ ହୋଇଯାଇଛି । ୨୦୧୦ ପରଠାରୁ ଏହି ତୁଷାରପାତ କାରଣରୁ ସବୁଠାରୁ ଅଧିକ ଆର୍ଥିକ କ୍ଷତି ହୋଇଛି । ୧୯୯୬ ମସିହାରେ ୧୮ ସେଣ୍ଟି ମଟର ଉଚ୍ଚର ଯେଉଁ ତୁଷାରପାତ ହୋଇଥିଲା ସେ ରେକର୍ଡ ବି କାଟିଛି । ପ୍ରବଳ ତୁଷାର ପାତ ଯୋଗୁଁ ରାସ୍ତାଘାଟରେ ବରଫ ଆସ୍ତରଣ ବସିଯାଇଛି । ଏଥଯୋଗୁଁ ପ୍ରଥମ ତିନମାସର ସଧାରଣ ଅଭିବୃଦ୍ଧି ହାର ପ୍ରଭାବିତ ହୋଇଛି । ଦିନକୁ ୮ ହଜାର କୋଟି ଟଙ୍କାର ବ୍ୟବସାୟିକ କ୍ଷତି ହେଉଥିବା ଆକଳନ କରାଯାଇଛି ।
ସାଇବେରିଆର ଏହି ଥଣ୍ଡା ପବନକୁ ଅନେକ ପୂର୍ବରୁ ଆସିଥିବା ପଶୁ ନାମରେ ଆଖ୍ୟା ଦେଇଛନ୍ତି । ଏହା ଯୋଗୁଁ ବିଭିନ୍ନ ନିର୍ମାଣ କାର୍ଯ୍ୟ ସମ୍ପୂର୍ଣ୍ଣ ଭାବେ ବନ୍ଦ ହୋଇଯାଇଛି । ଏଥିଯୋଗୁଁ ପ୍ରଥମ ତ୍ରୈମାସିକର ଅଭିବୃଦ୍ଧିହାର ୦. ପ୍ରତିଶତ କମିଯିବ ବୋଲି ଆଶଙ୍କା କରାଯାଉଛି । ଏହି ତୁଷାରପାତ ଯୋଗୁଁ ବିଭିନ୍ ଉଦ୍ୟୋଗ ସହ ବ୍ୟବସାୟ ବାଣିଜ୍ୟ ଓ ଯାନବାହାନ ଚଳାଚଳ ଏକ ପ୍ରକାର ଠପ୍ ହୋଇଯାଇଛି ।
