ନୂଆଦିଲ୍ଲୀ: ଆର୍ଥିକ ସଙ୍କଟ ଦେଇ ଗତି କରୁଛି ସୁନାର ଲଙ୍କା ଶ୍ରୀଲଙ୍କା । ଶ୍ରୀଲଙ୍କାରେ ଆର୍ଥିକ ସଙ୍କଟ ଯୋଗୁ ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ବଜାରରେ ଅତ୍ୟାବଶ୍ୟକୀୟ ସାମଗ୍ରୀର ଦାମ୍ ଆକାଶ ଛୁଆଁ ହୋଇଛି । ଘଟଣାକୁ ନେଇ ଶ୍ରୀଲଙ୍କାବାସୀଙ୍କ ମଧ୍ୟରେ ଅସନ୍ତୋଷ ବଢ଼ିବାରେ ଲାଗିଛି । ରାଷ୍ଟ୍ରପତି ଗୋଟାବାୟା ରାଜପକ୍ସାଙ୍କ ଇସ୍ତଫା ଦାବି କରି ବିଭିନ୍ନ ସ୍ଥାନରେ ଆନ୍ଦୋଳନ ହେଉଥିବା ଦେଖିବାକୁ ମିଳୁଛି ।
୧୯୪୮ ମସିହାରେ ଶ୍ରୀଲଙ୍କା ବ୍ରିଟେନ ନିକଟରୁ ସ୍ୱାଧୀନ ହୋଇଥିଲା । ସେବେଠାରୁ ବର୍ତ୍ତମାନ ଦେଶର ଆର୍ଥିକ ସଙ୍କଟ ସବୁଠୁ ଅଧିକ ବିଗିଡ଼ିଛି ବୋଲି କୁହାଯାଉଛି । ଦେଶର ବିଭିନ୍ନ ସ୍ଥାନରେ ଲୋକମାନେ ନିଜର ଅତ୍ୟାବଶ୍ୟକୀୟ ସାମଗ୍ରୀର ଦାମ୍ ହ୍ରାସ କରିବାକୁ ନେଇ ବିକ୍ଷୋଭ ପ୍ରଦର୍ଶନ କରୁଛନ୍ତି । ଘଟଣାକୁ ନେଇ ସୋସିଆଲ ମିଡିଆରେ ବିକ୍ଷୋଭକାରୀ ମାନେ ନିଜର ପ୍ରତିକ୍ରିୟା ରଖୁଥିବା ଦେଖିବାକୁ ମିଳୁଛି । କିଛି ବିକ୍ଷୋଭକାରୀ ରାତିରାତି ଉଜାଗର ରହି ରାଷ୍ଟ୍ରପତିଙ୍କ ଇସ୍ତଫା ଦାବି କରୁଥିବା ମଧ୍ୟ ନଜର ଆସିଛି ।
Comments are closed.