ହୀରାକୁଦ ଡ୍ୟାମକୁ ଜଳ ପ୍ରବେଶ କମୁଛି- ଏସଆରସି

ଭୁବନେଶ୍ୱର : ଗତକାଲି ଠାରୁ ହୀରାକୁଦ ଡ୍ୟାମର ୪୬ଟି ଗେଟ୍ ଖୋଲା ଯାଇଥିବା ବେଳେ ସ୍ବତନ୍ତ୍ର ରିଲିଫ କମିଶନର (ଏଆରସି) ପ୍ରଦୀପ ଜେନା ଆଶ୍ବସ୍ତିକର ସୂଚନା ଟ୍ବିଟ କରି ଜଣାଇଛନ୍ତି। ଆଜି ଭୋର ୪ଟା ବେଳୁ ହୀରାକୁଦ ଡ୍ୟାମକୁ ଜଳ ପ୍ରବେଶ କମିବା ଆରମ୍ଭ କରିଛି। ଏହା ଆଗକୁ ଆହୁରି କମିବାର ଆଶା କରାଯାଉଛି ବୋଲି ସେ ଟ୍ବିଟରେ ଉଲ୍ଲେଖ କରିଛନ୍ତି।

ଏହା ସହିତ ମୁଣ୍ଡଳିରେ ସର୍ବାଧିକ ୧୦ ଲକ୍ଷ କ୍ୟୁସେଜ୍ ଜଳ ପ୍ରବାହିତ ହେବ ବୋଲି ଆଶା କରାଯାଉଛି। ଆସନ୍ତାକାଲି ଅପରାହ୍ନ ପର୍ଯ୍ୟନ୍ତ ମୁଣ୍ଡଳିରେ ଏହି ସ୍ଥିତି ଜାରି ରହିପାରେ। ସେହିପରି ମହନଦୀ ଫୁଲିବା ଯୋଗୁଁ ଉପକୂଳିଆ ଅଞ୍ଚଳରେ ଚିନ୍ତା ବଢିଛି କଟକ ଜିଲା ବାଙ୍କୀ ବ୍ଲକର ତଳିଆ ଅଞ୍ଚଳ ଜଳମଗ୍ନ ହୋଇଛି । ବାହ୍ୟଜଗତରୁ କଇଁମୁଣ୍ଡି, ଶୁଖୁଆଖେଳା ଏବଂ ବିଲିପଡ଼ା ଅଞ୍ଚଳ ବିଛିନ୍ନ ହୋଇଯାଇଛି।

Weather is sunny. There is no rain.
Water level in Baitarani n Brahmani river system has receded.
Relief ops has started in all Blocks.Spl attention has given 2Bari Block .17 officers hv been deployed to manage both rescue n relief operations Bari. Reports ADM rev. @JajpurAdmn

— Pradeep Jena IAS (@PradeepJenaIAS) August 30, 2020

ବୈତରଣୀ ଓ ବ୍ରାହ୍ମଣୀ ନଦୀ ଜଳସ୍ତର କମୁଛି। ବନ୍ୟା ପ୍ରଭାବିତ ସମସ୍ତ ବ୍ଲକରେ ରିଲିଫ କାର୍ଯ୍ୟ ଆରମ୍ଭ ହୋଇଛି। ଯାଜପୁର ବରୀ ବ୍ଲକରୁ ସ୍ବତନ୍ତ୍ର ଧ୍ୟନା ଦିଆଯାଇଛି। ବରୀରେ ଉଦ୍ଧାର ଓ ରିଲିଫ କାର୍ଯ୍ୟ ପାଇଁ ୧୭ ଅଧିକାରୀ ନିୟୋଜିତ ହୋଇଛନ୍ତି ବୋଲି ଏସଆରସି ସୂଚନା ଦେଇଛନ୍ତି ।