ସୋନଭଦ୍ର: ଉତ୍ତରପ୍ରଦେଶର ସୋନଭଦ୍ର ଜିଲା ସ୍ଥିତ ଏକ ପ୍ରାଥମିକ ବିଦ୍ୟାଳୟରେ ମଧ୍ୟାହ୍ନ ଭୋଜନରେ ଅନିୟମିତତା ଘଟଣା ଶୁକ୍ରବାର ସାମ୍ନାକୁ ଆସିଛି। ଏଠାକାର ଚୋପନ ବ୍ଲକ୍ ଅନ୍ତର୍ଗତ ସଲାଇବନୱା ପ୍ରାଥମିକ ବିଦ୍ୟାଳୟରେ ବୁଧବାର ୧ ଲିଟର କ୍ଷୀରରେ ଗୋଟିଏ ବାଲ୍ଟି ପାଣି ମିଶାଇ ୮୦ ପିଲାଙ୍କୁ ବଣ୍ଟା ଯାଇଛି। ଘଟଣା ସାମ୍ନାକୁ ଆସିବା ପରେ ପ୍ରଶାସନ ଶିକ୍ଷାମିତ୍ରଙ୍କୁ ବହିଷ୍କାର କରିବା ସହ ଦାୟିତ୍ୱରେ ଥିବା ଜଣେ ଶିକ୍ଷକଙ୍କୁ ନିଲମ୍ବନ କରିଛନ୍ତି।
ପାଚିକାଙ୍କ କହିବାନୁସାରେ, ପିଲାମାନଙ୍କୁ ମଧ୍ୟାହ୍ନ ଭୋଜନରେ ଦେବା ପାଇଁ ତାଙ୍କୁ ୧ ଲିଟର କ୍ଷୀର ହିଁ ଦିଆଯାଇଥିଲା। ତେଣୁ ସେ ସେଥିରେ ଗୋଟିଏ ବାଲ୍ଟି ପାଣି ମିଶାଇ ୮୦ ପିଲାଙ୍କୁ ବାଣ୍ଟିଥିଲେ।
ମାମଲା ସାମ୍ନାକୁ ଆସିବା ପରେ ଯାଞ୍ଚ କରିବାକୁ ଯାଇଥିବା ଏବିଏସଏ ମୁକେଶ କୁମାର କହିଛନ୍ତି ଯେ, ପରେ ଭୁଲ୍କୁ ସୁଧାରି ପିଲାମାନଙ୍କୁ ଆଉ ଥରେ କ୍ଷୀର ବଣ୍ଟା ହୋଇଥିଲା। ଏହି ଘଟଣା ପାଇଁ ଶିକ୍ଷାମିତ୍ରଙ୍କୁ ଦାୟୀ କରାଯାଇ ତାଙ୍କୁ ବହିଷ୍କାର କରାଯାଇଛି। ଏହା ସହିତ ବିଦ୍ୟାଳୟର ଜଣେ ଶିକ୍ଷକଙ୍କୁ ମଧ୍ୟ ନିଲମ୍ବିତ କରାଯାଇଛି। ଏବେ ଏହି ମାମଲାରେ ବ୍ଲକ୍ ଶିକ୍ଷାଧିକାରୀଙ୍କ ବିରୋଧରେ ତଦନ୍ତ କରିବାକୁ ସରକାରଙ୍କୁ ଏକ ରିପୋର୍ଟ ପଠାଯାଇଛି। ଅନ୍ୟ ପକ୍ଷରେ ଏହି ଘଟଣାକୁ ନେଇ ଏବେ ରାଜନୀତି ସରଗରମ ହୋଇଛି। ବିରୋଧୀ ଦଳ ଘଟଣାକୁ ନେଇ ରାଜ୍ୟ ସରକାରଙ୍କୁ ତୀବ୍ର ନିନ୍ଦା କରିଛନ୍ତି।
ମଧ୍ୟାହ୍ନ ଭୋଜନରେ ଅନିୟମିତତା: ୧ଲିଟର କ୍ଷୀରରେ ମିଶିଲା ବାଲ୍ଟିଏ ପାଣି, ପିଇଲେ ୮୦ ପିଲା
Popular Categories
Previous article
Next article