ଶିଙ୍ଗାରୀ ପଞ୍ଚାୟତରେ ପ୍ଲାଷ୍ଟିକ ଚାଉଳ ଦିଆଯାଇଥିବା ଅଭିଯୋଗ ଆଣିଲେ ହିତାଧିକାରୀ- ଏହା ଫର୍ଟିଫାଏଡ୍ ରାଇସ୍ବୋଲି କହିଲେ ସରକାରୀ ଅଧିକାରୀ
କଲ୍ୟାଣସିଂହପୁର- ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଶିଙ୍ଗାରୀ ପଞ୍ଚାୟତର ଗ୍ରାମବାସୀ ପଞ୍ଚାୟତରେ ମିଳୁଥିବା ପିଡିଏସ ଚାଉଳରୁ ପ୍ଲାଷ୍ଟିକ ଚାଉଳ ବାହାରୁଥିବା ଅଭିଯୋଗ ହେଇଛି । ଏହି ଚାଉଳ କୁ ବ୍ୟବହାର କରିବା ଦ୍ୱାରା କିଛି ଲୋକ ପେଟ ବ୍ୟଥା ,ପେଟ ଫୁଲିବା, ଝାଡା ବାନ୍ତିରେ ମଧ୍ୟ ଶିକାର ହୋଇଥିବା ହିତାଧିକାରୀ ରାଜେନ୍ଦ୍ର ଗଡ଼ବିସି, ହରିପ୍ରିୟା ଦଳେଇ, ଚନ୍ଦନ ଗଡ଼ବିସି, କୁମାରୀ ପୂଜାରୀ, ପ୍ରଶାନ୍ତ ଦଳପତି ଅଭିୟୋଗ କରିଛନ୍ତି ।
ଏହି ଅଭିଯୋଗ ମିଳିବା ପରେ ଯୋଗାଣ ଅଧିକାରୀ ଶଙ୍କର ବେହେରା ହିତାଧିକାରୀ ଏହା ପ୍ଲାଷ୍ଟିକ୍ ଚାଉଳ ନୁହେଁ ବୋଲି କହିଛନ୍ତି । ଏହା ଫର୍ଟିଫାଇଡ୍ ରାଇସ୍ , ଏଥିରେ ଅଧିକ ଖାଦ୍ୟଗୁଣବତ୍ତା ରହିଛି । ସୁପ୍ରିମକୋର୍ଟଙ୍କ ନିର୍ଦେଶ ଅନୁସାରେ ହିତାଧିକାରୀଙ୍କୁ ଅଧିକ ଗୁଣବତ୍ତା ଥିବା ଫର୍ଟିପାଏଡ୍ ରାଇସ୍ ଦିଆଯାଉଛି । ଗୋଟିଏ ଚାଉଳ ବସ୍ତାରେ ୧୦୦ ଗ୍ରାମ ଏହି ଅଧିକ ଗୁଣବତ୍ତା ଚାଉଳ ମିଶାଯାଉଥିବା ସେ କହିଛନ୍ତି । ସାରା ଓଡ଼ିଶାରେ ଏହି ଚାଉଳ ଦିଆଯାଉଛି । ହିତାଧିକାରୀ ଚାହିଁଲେ ଏହି ଚାଉଳ ଫେରାଇ ଅନ୍ୟ ଚାଉଳ ନେଇପାରିବେ ବୋଲି ସୂଚନା ଶଙ୍କର ବେହେରା ଦେଇଛନ୍ତି ।
Comments are closed.