ପାତ୍ରପୁର: ଗଞ୍ଜାମ ଜିଲ୍ଲା ପାତ୍ରପୁର ବ୍ଲକ ଜରଡ଼ା ସାରଥୀ ଧାମରେ ଦେବ ସ୍ନାନ ଉତ୍ସବ ପାଳନ କରାଯାଇଛି। ପରିଚାଳକ, ମୁଖ୍ୟ ପୁରୋହିତ, ପୂଜକ ଓ ଅଠର ଜଣ ଦଇତାପତିଙ୍କୁ ନେଇ ବିଧି ପୂର୍ବକ ମହାପ୍ରଭୁଙ୍କ ସ୍ନାନଯାତ୍ରା ସମାପନ କରାଯାଇଛି। ବ୍ରହ୍ମ ମୁହୂର୍ତ୍ତରେ ଆନ୍ଧ୍ରପ୍ରଦେଶ ବାରୁଆ ମହୋଦଧିରୁ ଜଳ ଆଣି ୧୦୮ କଳସ ଜଳରେ ଶୁଦ୍ଧ ଗଙ୍ଗାଜଳ ମିଶ୍ରିତ କରି ମହାପ୍ରଭୁଙ୍କୁ ସ୍ନାନ କରାଯାଇ ଅପରାହ୍ନ ୨ ଘଣ୍ଟା ସମୟରେ ଗଜାନନ ବେଶ କରାଯାଇଥିଲା। ପରେ ମହାପ୍ରଭୁଙ୍କୁ ଅଣସର ଗୃହକୁ ନିଆଯାଇଥିବା ବେଳେ ରଥଯାତ୍ରା ପର୍ଯ୍ୟନ୍ତ ମହାପ୍ରଭୁଙ୍କ ଦର୍ଶନରୁ ଭକ୍ତ ବଞ୍ଚିତ ରହିବେ। ଏହି ସ୍ନାନ ଯାତ୍ରାରେ ବଡ଼ପଣ୍ଡା ତଥା ମୁଖ୍ୟ ପୁରୋହିତ, ପରିଚାଳକଙ୍କ ସମେତ ଅଠର ଜଣ ଦଇତାପତି ସହଯୋଗ କରିଥିଲେ। ସେହିପରି ଏହି ଅଂଚଳର ପାତ୍ରପୁର, ପଦାଦିଗି, ସୁରଙ୍ଗୀ, ନୂଆଗଡ, ଭ୍ରମରପୁର ଆଦି ସ୍ଥାନରେ ଥିବା ମନ୍ଦିରରେ ଦେବ ସ୍ନାନ ପୂର୍ଣ୍ଣମୀ ଯଥାରୀତି ଅନୁଯାଇ ପାଳନ କରାଯାଇଛି।
Popular Categories
Previous article
Next article