ଖଲ୍ଲିକୋଟ ହିଂସା ଘଟଣା ତଦନ୍ତ କରିବ ଏସଆଇଟି

ଭୁବନେଶ୍ୱର: ଖଲ୍ଲିକୋଟ ରାଜନୈତିକ ହିଂସାକାଣ୍ଡ ଘଟଣାର ହେବ ଏସଆଇଟି ତଦନ୍ତ। ଏନେଇ ପୁଲିସ ଡିଜି  ଅରୁଣ ଷଡଙ୍ଗୀ ନିର୍ଦ୍ଦେଶ ଦେଇଛନ୍ତି। ଏସଆଇଟି ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରି ରିପୋର୍ଟ ଦେବ। ମାମଲାରେ ଫେରାର ହୋଇଥିବା ଅନ୍ୟ ଅଭିଯୁକ୍ତଙ୍କୁ ଖୁବଶୀଘ୍ର ଗିରଫ କରାଯିବ। ଘଟଣାରେ ତଦନ୍ତ କରି ୩୦ଦିନ ମଧ୍ୟରେ ଚାର୍ଜସିଟ୍‌‌ ଦାଖଲ କରିବ ଏସଆଇଟି। ଛତ୍ରପୁରରେ ଜଣେ ଏଡିଜି ରହି ଆଇନଶୃଙ୍ଖଳା ଉପରେ ନଜର ରଖିବେ। ଏଡିଜି ରାଧାକୃଷ୍ଣ ଶର୍ମା ଛତ୍ରପୁରଠାରେ ରହି ଆଇନଶୃଙ୍ଖଳା ତଦାରଖ କରିବେ ବୋଲି ପୁଲିସ ଡିଜି ସୂଚନା ଦେଇଛନ୍ତି। ଖଲ୍ଲିକୋର୍ଟରେ ରାଜନୈତିକ ହିଂସାକାଣ୍ଡ ଘଟଣାରେ ଜଣଙ୍କ ଜୀବନ ଯାଇଥିବା ବେଳେ ଗତକାଲି ୧୪୪ ଧାରା ଜାରି ହୋଇଥିଲା।