ସିମୁଳିଆ: ସାତ ମାସ ଧରି ପ୍ରାପ୍ୟ ନ ପାଇ ଜିପିଏଲଏଫ ମିଶନ ଶକ୍ତି ସଙ୍ଘର କର୍ମୀ ସଙ୍ଘର ଶତାଧିକ ମହିଳା ବିଧାୟକ ବାସଭବନ ସମ୍ମୁଖରେ ଧାରଣାରେ ବସିଥିଲେ । ବିଧାୟକ ବୁଝାମଣା କରିବା ପରେ ଧାରଣା ପ୍ରତ୍ୟାହୃତ ହୋଇଥିଲା ।
ସୂଚନାରୁ ପ୍ରକାଶ ବାଲେଶ୍ବର ଜିଲା ସିମୁଳିଆ-ଖାଇରାର ବ୍ଲକର ୫୯ଟି ପଞ୍ଚାୟତର ଜିପିଏଲଏଫ ମିଶନ ଶକ୍ତି ସଙ୍ଘର କର୍ମୀ ସଙ୍ଘର ସଭାପତି ନିରୂପମା ନାୟକ ଓ ସମ୍ପାଦକ ଭାନୁମତି ପଣ୍ଡାଙ୍କ ନେତୃତ୍ୱରେ ୬ଗୋଟି କମ୍ୟୁନିଟି କେଡରର ଶତାଧିକ ମହିଳା ଏପ୍ରିଲ ମାସରୁ ଏମବିକେ, ସିଆରପି, କୃଷିମିତ୍ର, ପ୍ରାଣୀମିତ୍ର, ବ୍ୟାଙ୍କମିତ୍ର, ଏଲଏସପି ଆଦି ସିମୁଳିଆ ବିଧାୟକ ପଦ୍ମଲୋଚନ ପଣ୍ଡାଙ୍କ ମାର୍କୋଣାସ୍ଥିତ ବାସଭବନ ସମ୍ମୁଖରେ ଧାରଣାରେ ବସିଥିଲେ ।
ବିଧାୟକ ଶ୍ରୀ ପଣ୍ଡା ମହିଳାଙ୍କ ଧାରଣାସ୍ଥଳକୁ ଆସି ସେମାନଙ୍କ ସମସ୍ୟା ସମ୍ପର୍କରେ ଆଲୋଚନା କରିବା ସହ ବିଧାୟକ ସଭାରେ ଏ ସଂକ୍ରାନ୍ତରେ ପ୍ରଶ୍ନକାଳ ଅବସରରେ ଉପସ୍ଥାପନ କରିବାକୁ ପ୍ରତିଶ୍ରୁତି ଦେବା ପରେ ଧାରଣା ସ୍ଥଳରୁ ଧାରଣା ପ୍ରତ୍ୟାହୃତ ହୋଇଥିଲା ।
Comments are closed.