ସିମୁଳିଆ: ପଞ୍ଚାୟତ ସମିତି ପକ୍ଷରୁ ନିର୍ବାଚିତ ଜନପ୍ରତିନିଧିମାନଙ୍କୁ ଅସହଯୋଗ, ପାତର ଅନ୍ତର ନିର୍ବାଚିତ ପ୍ରତିନିଧିମାନେ ଆଜି ବିଡ଼ିଓଙ୍କ ଦ୍ବାରସ୍ଥ ହୋଇଥିଲେ । ସୂଚନାରୁ ପ୍ରକାଶ ବାଲେଶ୍ୱର ଜିଲା ସିମୁଳିଆ ନିର୍ବାଚନ ମଣ୍ଡଳୀ ସିମୁଳିଆ ପଞ୍ଚାୟତ ସମିତି ପକ୍ଷରୁ ବିଜେଡି ଦଳର ନିର୍ବାଚିତ ଜନପ୍ରତିନିଧିମାନଙ୍କୁ ଅଣଦେଖା କରିବା ପ୍ରତିବାଦରେ ଏବଂ ରାଜ୍ୟ ସରକାରଙ୍କ ତରଫରୁ ପଂଚାୟତମାନଙ୍କୁ ଆସୁଥିବା ବିଭିନ୍ନ ଯୋଜନାମାନଙ୍କରେ ସ୍ଥାନୀୟ ନିର୍ବାଚିତ ପ୍ରତିନିଧିମାନଙ୍କୁ ବୈମାତୃକ ମନୋଭାବ ରଖି ସାମିଲ ନ କରାଇବା ଏବଂ ସେମାନଙ୍କୁ ଅଣଦେଖା କରି ସେମାନଙ୍କ ଅଗୋଚରରେ କରାଯାଉଥିବା କାର୍ଯ୍ୟ ବିରୁଦ୍ଧରେ ସିମୁଳିଆ ବ୍ଲକର ବିଭିନ୍ନ ପଞ୍ଚାୟତରୁ ବିଜୁ ଜନତା ଦଳର ସରପଞ୍ଚ, ସମିତିସଭ୍ୟ, ପୂର୍ବତନ ସରପଞ୍ଚ, ସମିତିସଭ୍ୟ ମାନେ ବିଜୁ ଜନତା ଦଳ ସିମୁଳିଆ ନିର୍ବାଚନ ମଣ୍ଡଳୀର ବିଧାୟକ ପ୍ରାର୍ଥୀନୀ ସୁବାସିନୀ ସାହୁଙ୍କ ପ୍ରତିନିଧି ଶଶୀ କୁମାର ସାହୁଙ୍କ ନେତୃତ୍ୱରେ ସିମୁଳିଆ ବିଡ଼ିଓଙ୍କୁ ଦେଖାକରି ଲିଖିତ ଦାବିପତ୍ର ପ୍ରଦାନ କରିଥିଲେ ।
ଆଗାମୀ ସାତ ଦିନ ମଧ୍ୟରେ ଏହି ସମସ୍ୟାର ସମାଧାନ ନ କରାଗଲେ ବିଜୁ ଜନତା ଦଳ ତରଫରୁ ଏହାର ଦୃଢ ପ୍ରତିବାଦ ଓ ଆନ୍ଦୋଳନ କରାଯିବାକୁ ଦାବିପତ୍ର ମାଧ୍ୟମରେ ଚେତାବନୀ ଦେଇଛନ୍ତି। ଏ ସଂକ୍ରାନ୍ତରେ ସିମୁଳିଆ ବିଡ଼ିଓ ସମ୍ବିତ କୁମାର କରଙ୍କୁ ପଚାରିବାରୁ ଗାଇଡ ଲାଇନ ଅନୁସାରେ ଯଥାଶୀଘ୍ର ଏହାର ସମାଧାନ କରାଇବାକୁ ପ୍ରତିଶୃତି ଦେଇଛନ୍ତି।
Comments are closed.