ରାଉରକେଲା : ଲୋକସେବକ ମଣ୍ଡଳ ଓ ‘ସମାଜ’ ଦ୍ୱାରା ପରିଚାଳିତ ଡ଼ା. ଆର ଏନ ଦାସ ଓ ଲଳିତା ଦାସ ସ୍ମାରକୀ ସେବାକେନ୍ଦ୍ର ପକ୍ଷରୁ ଉତ୍କଳମଣିଙ୍କ ଶ୍ରାଦ୍ଧ ଦିବସରେ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି। ଡକ୍ଟର ସୁଶାନ୍ତ ପାଣିଙ୍କ ନେତୃତ୍ୱରେ ସମସ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ରାଉରକେଲା ଆମ୍ବାଗାନ ସ୍ଥିତ ପୁଣ୍ୟାତ୍ମାଙ୍କ ପ୍ରତିମୂର୍ତ୍ତିରେ ରାଉରକେଲା ଆରକ୍ଷୀ ଅଧିକ୍ଷକ ମିତ୍ରଭାନୁ ମହାପାତ୍ର ଏବଂ ଆରଏସପି କାର୍ଯ୍ୟନିର୍ବାହୀ ନିର୍ଦେଶକ ପ୍ରମୋଦ କୁମାର ଶତପଥୀଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ପୁଷ୍ପମାଲ୍ୟ ଅର୍ପଣ କରିଛନ୍ତି।
‘ସମାଜ’ ରାଉରକେଲା ପରିବାର ପକ୍ଷରୁ କୋଏଲନଗର ବୈକୁଣ୍ଠ ଘାଟରେ ତିଳତର୍ପଣ କରାଯାଇଥିଲା। ଅନ୍ୟପକ୍ଷରେ ରାଉରକେଲା ‘ସମାଜ’ ପକ୍ଷରୁ ଆରଜିଏଚରେ ସମସ୍ତ ଅନ୍ତେବାସୀ ରୋଗୀଙ୍କୁ ଫଳ ଓ ଶୁଖିଲା ଖାଦ୍ୟ ବଣ୍ଟନ କରାଯାଇଛି।
Comments are closed.