ମେଷ: ମନରେ ଭୟର ସଂଚାର ହୋଇପାରେ। ପ୍ରଭାବ ଊଣା ହେବ। ସାମାନ୍ୟ ଅସୁସ୍ଥତା ଅନୁଭବ କରିପାରନ୍ତି। ଦିନ ଭିତରେ କିଛିଟା ପରିବର୍ତ୍ତନ ଆସିବ। ସ୍ବଅର୍ଜିତ ଧନ ଓ କ୍ଷମତା ମିଳିପାରେ। ଚିନ୍ତାଗ୍ରସ୍ତ ହେବେ।
ବୃଷ: ଧନାଗମରେ ବାଧା ଉପୁଜିପାରେ। ସନ୍ତପ୍ତ ଚିତ୍ତଯୁକ୍ତ ହେବେ। କେତେକ ଖଳ ପ୍ରକୃତି ଲୋକଙ୍କଠାରୁ କ୍ଲେଶ ଭୋଗ କରିପାରନ୍ତି। ପରିବର୍ତ୍ତନ ଘଟିବ। ପରଧନରେ ଧନୀ ହେବେ। ରସିକ ଲକ୍ଷଣ ଅଛି।
ମିଥୁନ: ଧର୍ମପ୍ରିୟ ହେବେ। ପାଣ୍ତିତ୍ୟ ଅର୍ଜନ କରିପାରନ୍ତି। ଶିଳ୍ପ ପାରଦର୍ଶୀ ହୋଇପାରନ୍ତି। ସର୍ବଦା ହାସ୍ୟ ମୁଖ ରହିବ। କର୍ମଚଞ୍ଚଳ ରହିବେ। କୁସଙ୍ଗ ପରିତ୍ୟାଗ କରି ଉତ୍ତମ ସଙ୍ଗ ଗ୍ରହଣ କରିବେ।
କର୍କଟ: ସଦା ସମୃଦ୍ଧର ସୁଯୋଗ ଅଛି। ବହୁ ବନ୍ଧୁ ଓ ଆତ୍ମୀୟମାନଙ୍କର ସାହାଯ୍ୟକାରୀ ହୋଇପାରନ୍ତି। ନିଧି ପ୍ରାପ୍ତିର ସୂଚନା ମିଳୁଛି। ଧର୍ମଧ୍ବଜାଧାରୀ ହୋଇପାରନ୍ତି। ସରକାରୀ ସ୍ତରରୁ ଅର୍ଥ ଓ ସମ୍ମାନ ମିଳିବ।
ସିଂହ: ଦାନ ଦେବାବେଳେ ବିନୀତ ପ୍ରକାଶ କରିପାରନ୍ତି। ସହଧର୍ମିଣୀଙ୍କର ଅନୁରକ୍ତ ହେବେ। ନୃତ୍ୟ, ସଙ୍ଗୀତପ୍ରିୟ ହେବେ। ସତ୍କର୍ମରେ ନିଜକୁ ନିୟୋଜିତ କରିପାରନ୍ତି। ଧର୍ମମାର୍ଗରେ ପରିଚାଳିତ ହେବେ।
କନ୍ୟା: ବିନୟ ଭାବ ସମ୍ପନ୍ନ ହୋଇପାରନ୍ତି। ଉପୁଜିଥିବା ସମସ୍ୟାର ସମାଧାନ ହେବ। ପ୍ରବଳ ପ୍ରତାପୀ ହୋଇପାରନ୍ତି। ମହାମାନବ ଭାବେ ନିଜର ପରିଚୟ ସୃଷ୍ଟି କରିବେ। ସନ୍ମାର୍ଗରେ ପରିଚାଳିତ ହୋଇପାରନ୍ତି।
ତୁଳା: ସମ୍ମୁଖ ସମରରେ ପଶ୍ଚାତ୍ପଦ ହୋଇପାରନ୍ତି। ଦୁଷ୍ଟାମୀ ସ୍ବଭାବସମ୍ପନ୍ନ ହୋଇପାରନ୍ତି। ଅର୍ଥ ଟାଣଟୁଣ ରହିବ। ନିଜ ବୁଦ୍ଧି ବଳରେ ବହୁ ଦୁଃସାହସିକ କାର୍ଯ୍ୟରେ ସଫଳ ହେବେ। ପତ୍ନୀଙ୍କ ପାଇଁ ବ୍ୟୟ ବଢ଼ିବ।
ବିଛା: ଆତୁରିତ ମନୋଭାବର ହୋଇପାରନ୍ତି। କର୍ମକ୍ଷେତ୍ରରେ ସଫଳତା ଲାଭ କରିବେ। କ୍ଷେତ୍ର ପରିଚାଳନା ପାଇଁ ନିଜର ଦକ୍ଷତା ପ୍ରତିପାଦନ କରିପାରନ୍ତି। ଯାନବାହନ ସୁଖ ମିଳିବ। ଶତ୍ରୁତା ବଜାୟ ରହିବ।
ଧନୁ: କୁଶଳ ସମାଚାର ମିଳିପାରେ। ପତିପତ୍ନୀ ମିଳିତଭାବେ ସୁଖଭୋଗ କରିପାରନ୍ତି। ଆତ୍ମୀୟ ଲୋକଙ୍କ ସହାୟତା ମିଳିବ। ଶତ୍ରୁ ପରାଜିତ ହେବ। ମନ ଶାନ୍ତ ରହିବ। କରଜ ପରିଶୋଧ କରିପାରନ୍ତି।
ମକର: ଭ୍ରାନ୍ତ ମନା ହୋଇପାରନ୍ତି। ଅଳ୍ପ ସନ୍ତାନଯୁକ୍ତ ହେବେ। ସତ୍କ୍ରିୟାରେ ନିଷ୍ଠା ରଖି ସେଥିରୁ ନିବର୍ତ୍ତି ଯାଇପାରନ୍ତି। ଧନାଗମ ହେବ। ଦାମ୍ପତ୍ୟ ସୁଖ ମିଳିବ। ଜନସାଧାରଣଙ୍କ ସନ୍ଦେହଘେରରେ ରହିବେ।
କୁମ୍ଭ: କାର୍ଯ୍ୟ ଯେତେ କଠିନ ହେଲେ ବି ତାହା ଆପଣଙ୍କ ଦ୍ବାରା ସମ୍ପାଦିତ ହେବ। ବନ୍ଧୁ, ଆତ୍ମୀୟସ୍ବଜନଙ୍କ ମତାମତ ନେଇ କାର୍ଯ୍ୟ ଶେଷ କରିବେ। କର୍ମଚଞ୍ଚଳ ରହିବେ। ଯାନବାହନ ସୁଖ ମିଳିପାରେ।
ମୀନ: କବି କୀର୍ତ୍ତି ଅର୍ଜନ କରିପାରନ୍ତି। ଦୈନିକ ଶାସ୍ତ୍ର ଅଧ୍ୟୟନକୁ ଜୀବନର ବ୍ରତଭାବେ ଗ୍ରହଣ କରିପାରନ୍ତି। କୀର୍ତ୍ତିମାନ୍ ହେବେ। ଆପଣଙ୍କ ଲେଖା, ରଚନା ପ୍ରାଣସ୍ପର୍ଶୀ ହୋଇପାରେ। ସୁନାମର ଅଧିକାରୀ ହେବେ।
Comments are closed.